Արթուր Դավթյանը մեկ տարի առաջ ցանկանում էր կալանավորել Փաշինյանին, իսկ հիմա ազատությունից զրկում է Քոչարյանին
Հայաստանի գլխավոր դատախազ Արթուր Դավթյանը դեռ մեկ տարի առաջ ցանկանում էր ձերբակալել եւ պատգամավորական անձեռնխելիությունից զրկել Նիկոլ Փաշինյանին, իսկ այսօր արդեն աշխատում է նրա ղեկավարությամբ եւ ցանկանում ազատությունից զրկել Ռոբերտ Քոչարյանին, Արմեն Գեւորգյանին, Սեյրան Օհանյանին եւ այլոց:
Մարդը, որը հենց ինքն է խոստովանում, որ Ազգային ժողով միջնորդություն է ներկայացրել Նիկոլ Փաշինյանին անձեռնմխելիությունից զրկելու վերաբերյալ, սակայն դրան հետեւել են հայտնի իրադարձությունները, որի պատճառով էլ մտադրությունը չի իրականացել, այսօր հանգիստ աշխատում է իր նույն պաշտոնում:
Դժվար է հասկանալ, թե ինչու է նա շարունակում պաշտոնավարել, դժվար է հասկանալ, թե ինչու Փաշինյանը չի փորձում դատախազությունը վստահել այլ մարդու: Ավելի դժվար է հասկանալ հեղափոխականներին, որոնք այդպես էլ չպահանջեցին այն մարդու հրաժարականը, որը ցանկանում էր անձեռնմխելիությունից զրկել իրենց առաջնորդին: Էլ ավելի դժվար է հասկանալ հենց Արթուր Դավթյանին, որն այդպես էլ հրաժարական տալու ցանկություն չունեցավ:
Նա առաջին պաշտոնյաներից մեկը պետք է լիներ, որը Սերժ Սարգսյանի հրաժարականից հետո պետք է հրաժարական ներկայացներ, ներողություն խնդրեր եւ հեռանար, իսկ նա աշխատում է եւ շարունակում է աշխատել, հիմա էլ փորձում է ազատությունից զրկել այլ մարդկանց, նույն կասկածելի հիմնավորումներով:
Այս մասին պատմեք ցանկացած նորմալ եւ կիսանորմալ երկրի քաղաքացիներին եւ նրանք կզարմանան եւ չեն հասկանա, թե ինչու Արթուր Դավթյանը մինչ օրս պաշտոնանկ չի արվել եւ առավել շատ կզարմանան, թե ինչու նա հրաժարական չի տվել:
Անկեղծ լինենք, ՀՀ քաղաքացին Արթուր Դավթյանին տեսնելով գլխավոր դատախազի պաշտոնում հստակ մեսիջ է ստանում, որ դատաիրավական համակարգում ոչինչ էլ չի փոխվել, պարզապես հիմա այլ մարդկանց են զրկում ազատությունից, իսկ առաջ՝ այլոց: Սա է մեր տխուր իրականությունը, սա է մեր երկրի իրական դեմքը:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...