Իրանը միջոցներ կձեռնարկի Թրամփի հրամանագրի կապակցությամբ

Իրանը պատասխան միջոցներ կձեռնարկի՝ ի պատասխան ԱՄՆ–ի նախագահի հրամանագրի, որով ժամանակավորապես արգելվում է 7 մահմեդական երկրների քաղաքացիների մուտքը Միացյալ Նահանգներ։ Այս մասին հայտարարել է Իրանի փոխնախագահ Էսհաղ Ջահանգիրին, հաղորդում է IRNA գործակալությունը։

Նրա խոսքով, Իրանը կդադարեցնի մուտքի արտոնագրերի տրամադրումը ԱՄՆ–ի քաղաքացիներին։ «Մենք աջակցություն կցուցաբերենք մեր քաղաքացիներին ամբողջ աշխարհում։ Իրանի ժողովուրդը աշխարհի ամենաքաղաքակիրթ, հնագույն պատմություն ունեցող ժողովուրդն է։ Իրանցիները կարեւորագույն դերն են խաղացել աշխարհի քաղաքակրթության մեջ, եւ չի կարելի նրանց մեղադրել ահաբեկչությունը սատարելու համար», – նշել է նա։

news.am