Հիմա Միհրանի դեմ գրելն արդեն անվտանգ է, անգամ շահավետ
Ժամանակին, երբ թեթրերը գրում էին, թե ՀՀ արդարադատության նախարար Հովհաննես Մանուկյանի հարաբերությունները ԴԱՀԿ ղեկավար Միհրան Պողոսյանի հետ, մեղմ ասած, լարված են, նա շտապում էր հերքել այդ լուրերը եւ գովերգել Պողոսյանին:
Ասում էր, թե նա լավ աշխատող է, եւ թե իրենց հարաբերությունները գրեթե հրաշալի են, ավելացնելով, որ ինչ խնդիրներ էլ որ կան դա ոչ թե Պողոսյանի, այլ օրենսդրության թերացումներն են:
Իսկ հիմա, երբ Պողոսյանին Ռուսաստանում ձերբակալել են, իսկ նա քաղաքական ապաստան է խնդրել, Հովհաննես մանուկյանը շտապել է ֆեյսբուքյան գրառում անել.
«Այսօրվա տեղեկատվությունը ԴԱՀԿ նախկին ղեկավար Միհրան Պողոսյանի՝ Ռուսաստանից քաղաքական ապաստան խնդրելու մասին սովորական լուր չէր, ասենք Միհրան Պողոսյան անուն ազգանունով քաղաքացու մասին, ով լքում է երկիրը անձնական նկատառումներով։ Սա որևէ փոքրամասնության ներկայացուցչի կամ նմանը ներկայացողի խորամանկ քայլ, կամ Հայաստանի հետ օրգանական կապի բացակայությամբ մեկի դիմում չէր, ով ցանկացած պահի կարող է խոնարհվել այլ երկրի դրոշի առջև՝ որպես երեխայի օրվա հացը ապահովելու ծայրահեղ միջոց։ Սա երբեմնի խրոխտ «գեներալի» գրավոր դիմումն էր, «գեներալի», որից սարսափում էին շատերը, որն անպարտելիությունը սեփական կենսակերպ էր դարձրել ու համարյա սեփական հիմնն ու դրոշն ուներ իրենը համարող երկրում։ Սա մի «գեներալի» ողբերգություն է, ով կաշին փրկելու կամ ժամանակ շահելու համար քաղաքական ապաստան է խնդրում Ռուսաստանից․ քայլ, որը թեևս երրորդ հանրապետության որևէ պետական կամ քաղաքական գործիչ թույլ չի տվել իրեն՝ անկախ հայրենիքում ունեցած խնդիրների բարդությունից․․․»:
Այստեղ պետք է ասել՝ սիրուն չէ պարոն նախկին նախարար: Անկախ նրանից, թե Պողոսյանը ճիշտ է վարվել, թե ոչ, անկախ նրանից, թե մեղավոր է, թե ոչ, դուք չպետք է նման գրառում անեիք: Դուք, որ նախկինում համառորեն հերքում էիք ձեր վատ հարաբերությունների մասին լուրերը, անգամ գովում Պողոսյանին, այսօր պետք է լռեիք:
Չի կարելի այս իրավիճակում ձեր անձնական չկարգավորված հարաբերությունները հանել եւ ի ցույց դնել հենց այս իրավիճակում: Եթե ասելիք ունեիք նրա մասին, ապա արտահայտվեիք 2014-ին, գոնե 2018-ին:
Վահրամ Գեւորգյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...