Աստվածամոր տաճարի գլխավոր երգեհոնն անվնաս է մնացել. Փարիզի փոխքաղաքապետ
Փարիզի Աստվածամոր տաճարի գլխավոր երգեհոնը չի տուժել մոտ 9 ժամ մոլեգնած կրակի հետևանքով: Ինչպես հաղորդում է INTERFAX.RU-ն՝ հղում անելով ֆրանսիական հեռուստաալիքին, այս մասին երեքշաբթի հայտնել է Փարիզի փոխքաղաքապետ Էմանուել Գրեգուարը:
«Մեկ այլ լավ լուր, որը ստացել ենք գիշերը: Մենք շատ էինք ցավում մշակութային արժեք ունեցող իրերի համար, որոնք գտնվում էին շենքի ներսում, մասնավորապես՝ գլխավոր երգեհոնի: Մեզ հասած տեղեկության համաձայն՝ գլխավոր երգեհոնն անվնաս է մնացել»,- ասել է Գրեգուարը:
Այսպիսով, նա հերքել է ֆրանսիական պարբերականներից մեկի հաղորդումն այն մասին, որ երգեհոնը գրեթե ամբողջությամբ ոչնչացվել է:
Գրեգուարն ընդգծել է, որ փարիզցիներին հաջողվել է արագորեն փրկել արվեստի գործերը և արժեքավոր իրերը, որոնք պահվում էին տաճարում:
Երկրի ՆԳՆ-ն, իր հերթին, հայտնում է, որ կրակից հաջողվել է փրկել տաճարի արվեստի գործերի առնվազն 30 տոկոսը:
Հիշեցնենք, որ Փարիզի Աստվածամոր տաճարում երկուշաբթի երեկոյան հրդեհ է բռնկվել, որի հետևանքով կործանվել է աշտարակը, ինչպես նաև տանիքի մի մասը: Երեքշաբթի առավոտյան կրակն ամբողջությամբ մարվել էր:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Շիրակի մարզի որոշ հասցեներում գազ չի լինի
Աբդոլլահին նշանակվել է Իրանի զինված ուժերի գլխավոր շտաբի պետ
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան
ՀՀ նախկին վարչապետի որդին՝ Արգամ Աբրահամյանը, կալանավորվել է. ՔԿ