Փարիզի Աստվածամոր տաճարի մասունքները հաջողվել է փրկել

Փարիզի Աստվածամոր տաճարից շատ մասունքներ եւ գանձեր հաջողվել է փրկել։ Դրանց թվում են Փշե թագը, որը, ինչպես համարվում է, կրել է Հիսուսը, Սեն Լուիի վուշե տունիկան։ Դրանք տեղափոխվել են անվտանգ վայր՝ հայտնում է France 24-ը։

Ինչպես հայտնում է Figaro-ն, մասունքները տարհանվում են հրդեհի ճարակ դարձած տաճարից։ «Մենք փորձում ենք պահպանել տաճարի հետեւի մասը, որտեղ գտնվում են ամենաթանկարժեք իրերը, մենք տարհանում ենք դրանք։ Ամենաթանկարժեք իրերն արդեն տեղափոխվել են թաքստոց»,- հայտնել է հրշեջների հրամանատար Ժան Կլոդ Գալեն։

Նա վստահեցրել է, որ իր ենթակաները «արդյունավետ են գործում, կրակը հիմքից մարելով»։ «Հեռուստառեպորտաժներում նրանց գործողությունները չեն երեւում, քանի որ նկարահանող խցիկները հեռու են»,- պարզաբանել է նա՝ հավելելով, որ եթե հյուսիսային զանգակատունը այրվի եւ փլուզվի, հետեւանքները տաճարի համար ծայրահեղ ավերիչ կլինեն»՝ հայտնում է ՏԱՍՍ-ը։

Մենք ենթադրում ենք, որ երկու աշտարակները հաջողվել է փրկել»,- ասել է նա։ Գալեի խոսքերով, տեղում աշխատում են 400 հրշեջներ, որոնք հերթափոխում են, որպեսզի ֆիզիկական ծանրաբեռնվածություն չառաջանա։ «Ներկայում մենք փորձում են փրկել արվեստի գլուխգործոցները։ Դա դժվար խնդիր է, մենք ծխի մեջ ենք աշխատում։ Մենք ամբողջ գիշեր պետք է աշխատենք»,- ասել է նա։

Հրդեհի հետեւանքով տուժել է Աստվածամոր տաճարի տանիքի 2/3-ը՝ հայտնում է Monde-ն՝ վկայակոչելով ՆԳՆ ղեկավարի պետքարտուղար Լորան Նունեզային։

Ֆրանսիայի հրշեջների ներկայացուցիչը հայտնել է, որ տաճաքրի կոնստրուկցիան, հնարավոր է, փրկվել է ամբողջական փլուզումից՝ հայտնում է Reuters-ը։

Միաժամանակ, հրշեջները հավաքվել են, որպեսզի աղոթեն Սեն Ժուլյեն Լե Պովր եկեղեցու մոտ, որը տաճարից մի քանի հարյուր մետրի վրա է։

Փարիզի արքեպիսկոպոս Միշել Ապետիտը հոգեւորականներին կոչ է արել հնչեցնել բոլոր զանգերը եւ աղոթել Նոտր Դամի համար։

Այս թեմայով Ֆրանսիայում ասել են, որ Փարիզի Աստվածամոր տաճարի վերականգնումը կտեւի ավելի քան հինգ տարի Ճարտարապետները 7 տարբերակ են առաջարկել Փարիզի Աստվածամոր տաճարը վերականգնելու համար Ինչպես է Աստվածամոր տաճարի տանիքում անհայտ անձը կրակ վառում․ (տեսանյութ) Փարիզի Աստվածամոր տաճարի մեղուները հրդեհից չեն վնասվել Փարիզի Աստվածամոր տաճարի վանահայրը չի բացառում, որ հրդեհի պատճառը համակարգչային համակարգի խափանումն էր