Խոսել չի կարելի լռել
Արտահերթ խորհրդարանական ընտրություններից շատ չանցած արդեն իսկ պարզ էր, որ «Իմ քայլը» կառավարող խմբակցության ներկայացուցիչները փայլելու են իրենց մտքերով, բայց որ այս աստիճանի եւ այս մակարդակի կփայլեն՝ չէր անցնում նույնիսկ ամենալավատեսների մտքով:
Մեկը մյուսին հերթ չտալով նրանք իրենց մտքի գոհարներով զարմացնում են հանրությանը: Յուրաքանչյուր անհեթեթ հայտարարությունից հետո մտածում ես, որ վերջ, սրանից այն կողմ չեն անցնի, բայց անցնում են:
Մեկն ասում է, թե քաղաքացին այնքան երջանիկ է, որ այլեւս արտագաղթի մասին մտածող անգամ չկա, էլ ուր մնաց արտագաղթ լինի, մյուսը պետծառայողներին անվանում շարիկ գլորողներ:
Լիլիթ Մակունցն էլ համոզված է, որ կան մարդիկ, որոնք մտածում են, թե խմբակցության ղեկավարը պետք է հաղթանդամ լինի եւ բացատրում է, թե դա այդպես չէ: Լենա Նազարյանն էլ ասում էր, թե մարզպետներն իրենք իրենց եւ իրենց թիմակիցներին իներցիայով են պարգեւատրումներ արել:
Մյուսը գրաբարով արտասանում էր, ասելով, թե Պողոս առաքյալին է ցիտում, հետո պարզվեց, որ Առաքյալը նման բաներ չի ասել: Մեկ այլ պատգամավոր էլ հրաժարվում էր պատասխանել լրագրողների հարցերին, պատճառաբանելով, թե տաքսիստին չի ցանկանում սպասացնել, իսկ հետո հենց նույն պատգամավորը դեմքի ամենալուրջ արտահայտությամբ խոսում էր իր մազերի գույների փոփոխությունների մասին:
Մյուսն էլ հպարտանում է, որ աշխատանքի է գալիս սպորտային կոշիկներով: Թվարկումը անվերջ կարող ենք շարունակել: Գործը հասել է այնտեղ, որ Նիկոլ Փաշինյանն արդեն չգիտի, թե ինչպես է դուրս գալու իր դաշինքի պատգամավորների խոսքերի տակիս: Նրա գրասեղանին մի թուղթ է դրված, որի վրա գրված է՝ խոսել չի կարելի լռել: Եւ նա մտորում է, թե ստորակետը որտեղ պետք է դրվի:
Նույնիսկ տեղեկություններ եղան, որ ապրիլի 8-ի երեկոյան ԱԺ-ում տեղի է ունեցել վարչապետի եւ «Իմ քայլը» խմբակցության փակ հանդիպումը, որի ընթացքում եղել են բավականին լուրջ խոսակցություններ, այդ թվում եւ պատգամավորների «մտքի գոհարների» վերաբերյալ:
Ասում են, որ նա մի պահ իրեն չի կարողացել զսպել եւ բղավել է. «Չգիտեմ՝ ձեր լռելն է ճիշտ, թե խոսելը»:
Իհարկե, ճիշտը լռելն է, այդ թվում եւ ֆեյսբուքյան գրառումներից հրաժարվելը, այլապես հետո մտքի գոհարների վերաբերյալ հատորներ են հրատարակվելու, որտեղ, օրինակ, տեղ կգտնի նաեւ Լիլիթ Մակունցի մտքերի մշակույթի նախարարության լինել, թե չլինելու վերաբերյալ:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...