Հայաստանի եւ Ադրբեջանի ԱԳ նախարարները կհանդիպեն Մոսկվայում
Հայաստանի եւ Ադրբեջանի ԱԳ նախարարների հերթական հանդիպումը Լեռնային Ղարաբաղյան հակամարտության կարգավորման թեմայով, տեղի կունենա Մոսկվայում՝ մասնակցությամբ ՌԴ ԱԳ նախարար Սերգեյ Լավրովի։ Այս մասին «Москва-Баку» կայքի հետ զրույցում ասել է Ադրբեջանի ԱԳ նախարար Էլմար Մամեդյարովը։
«Ամենամոտ ապագայում, մենք արդեն պայմանավորվել ենք, որ հանդիպում է լինելու իմ եւ Հայաստանի ԱԳ նախարարի միջեւ։ Կարծում եմ, որ Սերգեյ Վիկտորովիչը /նկատի ունի Լավրովին/ նույնպես կմասնակցի»,- ասել է ադրբեջանական արտաքին քաղաքական գերատեսչության ղեկավարը։ Մամեդյարովը ընդգծել է, որ չափազանց կարեւոր է Լեռնային Ղարաբաղյան հակամարտության կարգավորման հարցում դրական տեղաշարժերի արձանագրումը։
Ադրբեջանի ԱԳ նախարարը մանրամասնել է, որ ԱՊՀ ԱԳ նախարարների խորհրդի շրջանակներում Ռուսաստանի ԱԳ նախարար Սերգեյ Լավրովի հետ ունեցած հանդիպման ժամանակ քննարկել է նաեւ Ղարաբաղյան հակամարտության կարգավորման հարցը։ «Կարծում եմ, ամեն բան կախված է այն բանից, թե ինչ կստանանք արդյունքում։ Այն, որ նախարար Լավրովը ասում է, որ ուզում է հանդիպել եւ իմ, եւ Մնացականյանի հետ, արդեն լավ է, որովհետեւ Ռուսաստանը ծանր հրետանի է։ Տա Աստված որ ամեն բան ստացվի»,- ասել է նախարար Մամեդյարովը։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Արարատ Միրզոյանն աշխատանքային այցով կգտնվի Էստոնիայի Հանրապետությունում
Միլանը հյուրընկալվել էր Ջենոային
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին
Ստեփանծմինդա-Լարս ավտոճանապարհը փակ է բեռնատարների համար