Ամենաուժեղ շախմատիստները 18-րդ հրաձգային դիվիզիայում են (Լուսանկարներ)

Ավարտվեց Վանաձորում ընթացող շախմատի համաբանակային թիմային առաջնությունը:

Տասը թիմեր շրջանաձեւ մրցակարգով վիճարկեցին հաղթողի կոչումը: Ստացվեց այնպես, որ վերջին՝ իններորդ տուրից առաջ միմյանց հետ հանդիպեցին 14-ական միավորով առաջին տեղը կիսող «ՊԲ-1» եւ «ՊԲ-3» թիմերը:

Համառ պայքարում մայոր Ս. Տոնոյանի ղեկավարած «ՊԲ-3» թիմը հաղթանակի հասավ 2,5-1,5 հաշվով: Վճռական խաղում հաղթանակներ տարան Գառնիկ Պեպելյանը եւ Արմենակ Նազարյանը:

Օգտվելով «ՊԲ-1»-ի պարտությունից 15 միավորով երկրորդ տեղը գրավեց «3-րդ ԲԿ»-ն, իսկ երրորդ մրցանակին արժանացավ «ՊԲ-1» թիմը:

Փակման արարողության ժամանակ հաղթող թիմին գավաթը եւ մեդալները հանձնեց ՊԲ ֆիզիկական պատրաստության եւ սպորտի վարչության ղեկավար Քաջիկ Սարգսյանը: Մեդալների արժանացան Գառնիկ Պեպելյանը, Հակոբ Մխոյանը, Արմենակ Նազարյանը, Գրիգոր Տոնոյանը եւ Տիգրան Բաղդասարյանը:

Գավաթի եւ մեդալների արժանացան նաեւ երկրորդ եւ երրորդ մրցանակակիրները:

Top-News.am