Ալեքսեյ Նավալնին ձերբակալվել է 15 օրով
Մոսկվայի Տվերյան շրջանային դատարանը 15 օրով ձերբակալել է Ալեքսեյ Նավալնիին։ Նրան մեղավոր են ճանաչել ոստիկանության աշխատակցի օրինավոր պահանջին չենթարկվելու համար (ՎՕ Օ 19.3 հոդված)։ Մինչ այդ դատարանը նրան տուգանել էր 20 հազար ռուբլու չափով՝ վարչական օրինախախտումների օրենսգրքի 20.2.2 հոդվածով (ոչ հասարակական միջոցառման կազմակերպում)։
Առաջին մեղադրանքի վճռի հրապարակումից հետո, Նավալնիի փաստաբան Օլգա Միխայլովան հայտարարել է, որ պաշտպանական կողմը չի ծանոթացել երկրորդ հոդվածով մեղադրանքի հետ եւ խնդրել է տեղափոխել նիստը հաջորդ օրվան։ Դատարանը պաշտպանական կողմին հինգ րոպե է տվել՝ նյութերի հետ ծանոթանալու համար։
Նիստի ընթացքում Նավալնին խնդրել է դատարան հրավիրել վարչապետ Դմիտրի Մեդվեդեւին։
«Ես ուզում եմ դատարան կանչել երեկվա միտինգի իրական կազմակերպչին։ Նա կկարողանա բացատրել, թե ինչու էր այսքան մարդ փողոց դուրս եկել»,– ասել է Նավալնին։
Հիշեցնենք, որ մարտի 26–ին կոռուպցիայի դեմ բողոքի չարտոնված ակցիա էր անցկացվել։ Ոստիկանության տվյալներով՝ դրան մասնակցել են 7-8 հազար քաղաքացի։ Բերման ենթարկվածների թիվը հասել է ավելի քան հազարի։ Նավալնիին բերման են ենթարկել ակցիայի սկվելուց 20 րոպե անց «Մայակովսկայա» մետրոյի կայարանի մոտ։
Ռուսաստանի տարբեր քաղաքներում բողոքի ակցիաների առիթը Նավալնիի՝ կոռուպցիայի դեմ հիմնադրամի հետաքննությունն էր՝ վարչապետ Դմիտրի Մեդվեդեւի ահռելի ունեցվածքի վերաբերյալ։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ