Հայաստանը լրջության եւ սթափության պակաս ունի
1990-ականների ամենասկզբում շատերը վստահ էին, որ մենք Իվանուշկա դուռաչոկի նման վառարանի վրա կամ թթի ծառի տակ պառկելու ենք, մեր հանքային եւ ոչ հանքային ջուրը վաճառենք եւ հանգիստ ապրենք:
Շատերն էին հավատում, որ հենց այսպես է լինելու: Հավատում էին այնքան ժամանակ, քանի դեռ համոզվեցին, որ արաբներն իրենց չեն ջարդում խողովակներով մեր ջուրը իրենց մոտ տանելու համար:
Ոմանք էլ պնդում էին, թե Կասպից ծովի նավթն ու գազը մի քանի տարուց վերջանալու է եւ Ադրբեջանը քանդվելու է: Ոմանք պնդում էին, իսկ շատերը հավատում: Այս համապատկերում ողջախոհ լինելու կոչերը չէին լսվում:
Երեսուն տարի անց ոչինչ կամ գրեթե ոչինչ չի փոխվել: Դեռ կան մեծ թվով մարդիկ, որոնք պնդում են, թե Բաքվի նավթը սպառվել է, եւ որ մեր ջուրը շուտով արաբները խողովակներով տանելու են:
Ինչպես այն ժամանակ էին շատերը հավատում, թե «Ղարաբաղ» կոմիտեն քանդեց Խորհրդային Միությունը, հիմա էլ շատ-շատերը վստահ են, որ Նազարբաեւը հրաժարական տվեց հայաստանյան վերջին իրադարձությունների հետեւանքով:
Հազարավորները, եթե ոչ տասնյակ հազարավորներն էլ վստահ են, որ Ալիեւը Բաքվում կնոջ հետ զբոսնում է, քանի որ այդպես է վարվում Նիկոլ Փաշինյանը:
Հիմա էլ շատ շատերը վստահ են, թե «հեղափոխությունից» հետո Եվրամիությունը Հայաստանին իր շարքերն է ընդգրկելու, հաշվի չառնելով, որ մենք ԵՏՄ անդամ ենք: Շատերը վստահ են, որ Արեւմուտքի առաջնորդներն իրենց որոշումները կայացնելիս հաշվի են նստում Նիկոլ Փաշինյանի հետ, իսկ տնտեսական հեղափոխությունն էլ լինելու է, քանի որ այդպես է ցանկանում հեղափոխական իշխանությունը:
Հենց այսպես էլ ապրում ենք, ինչպես իր երգում ասում էր Ֆորշը: Ապրում ենք եւ չենք մտածում լրջանալու եւ սթափվելու մասին: Ընդհակառակը, շատերը հեշտությամբ կհավատան այն պնդմանը, թե շուտով Հայաստանը դառնալու է համատիերզերական կենտրոն, որտեղ անցկացվելու են համատիեզերական մասշտաբի խորհրդաժողովներ:
Վահրամ Գեւորգյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...