Ուկրաինան հայտնել է Ռուսաստանի՝ «Եվրատեսիլին» մասնակցության պայմանը
Ուկրաինական իշխանությունները հայտարարել են, որ պատրաստ են ընդունել Ռուսաստանի մասնակցին «Եվրատեսիլ 2017»-ին այն դեպքում, եթե Սամոյլովային փոխարինի մեկ այլ մասնակից, ով խնդիրներ չունի ուկրաինական օրենսդրության հետ։
Այս մասին հաղորդել է Ուկրաինայի փոխվարչապետ Վյաչեսլավ Կիրիլենկոն։
«Անպայման, մենք պատրաստ ենք ընդունել «Եվրատեսիլի» բոլոր 43 երկրների մասնակիցներին, այդ թվում եւ Ռուսաստանի մասնակցին։ Ռուսաստանը ինքը կարող է գտնել այս իրավիճակից ելքը՝ առաջարկելով մեկ այլ մասնակցի, ով խնդիր չունի ուկրաինական օրենսդրության հետ։ Եվ այդ դեպքում այս հարցը շատ արագ կլուծվի»,– հայտարարել է Կիրիլենկոն։
Ընդ որում փոխվարչապետը նշել է, որ Կիեւը հույս ունի, որ Մոսկվան կընդունի այդ պայմանը։
Մրցույթի շուրջ ստեղծված իրավիճակը Կիրիլենկոն բնութագրել է որպես սադրանք՝ Ռուսաստանի կողմից։
«Մենք տեսնում ենք, որ Ռուսաստանի կողմից «Եվրատեսիլյան» աղմուկը սադրիչ գործողությունների երկար շղթայի մի փոքր օղակն է միայն, որն ուղղված է Ուկրաինայում իրավիճակի սրմանը»,– հայտարարել է ուկրաինական քաղաքական գործիչը։
Հիշեցնենք, որ Սամոյլովան պետք է ներկայացներ Ռուսաստանը «Եվրատեսիլ 2017»-ին` «Flame is Burning» երգով, սակայն նրան արգելեցին մուտք գործել Ուկրաինա՝ Ղրիմում ունեցած ելույթի պատճառով։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Կրկին ակտիվացել են ՆԳՆ անունից զեղծարարության փորձերը
Ծաղկունքում կասեցվել է հացաբուլկեղենի արտադրամասի գործունեությունը
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Ամերիկան պատմության մեջ հսկայական քայլ հետ կատարեց
Մելանշոնը հավանական առաջատար թեկնածուներից մեկն է
800-ամյա Շնադից դղյակը վաճառքի է հանվել ընդամենը 1 եվրոյով