Շիրխանյանը եւ նրա հովանավորները չափ ու սահման անցան
Այն ինչ Շիրխանյանն անվանում է բաց նամակ Ռոբերտ Քոչարյանին, իրականում սովորական խայտառակություն եւ անհեթեթություն է, որը ենթակա չէր հրապարակման: Ենթակա չէ ոչ միայն այն պատճառով, որ իրականությունը վաղուց կորցրած մարդու անհասկանալի պահվածք էր, այլ նաեւ մեր պետության դեմ ուղղված գործողություն:
Անիմաստ է անդրադառնալ Շիրխանյանի թվարկած կետերին, քանի որ անհեթեթություններին եւ մասնավոր զրույցներին, սուբյեկտիվ ընկալումներին անիմաստ է արձագանքելը:
Մենք պարզապես ուզում ենք հասկանալ նրանց, ովքեր որոշել են հրապարակել այս զառանցանքը: Ում ինչ է տալու այս տեքստը: Վերջին հավով ՀՀ ցանկացած ղեկավարին կարելի է նման անհեթեթ եւ զառանցանքներով լեցուն նամակ ուղարկել, ավելի ճիշտ բաց նամակ: Եւ ի՞նչ, գտնվելու է լրատվամիջոց, որ այն տպագրելո՞ւ է:
Մենք այդպես էլ չհասկացանք ինչ է պետությունը եւ ինչ պատասխանատու վերաբերմունք է այն պահանջում: Տպավորություն է, որ կան խմբավորումներ, որոնք հանուն իրենց նեղ անձնական շահերի պատրաստ են ոտնատակ տալ ցանկացած արժեք:
Վահան Շիրխանյանին լավ ենք ճանաչում: Հիշում ենք, թե ինչ էր ասում եւ անում մինչեւ 1999թ. հոկտեմբերի 27-ը, ինչ էր ասում եւ անում դրանից հետո: Մենք նրան եւս լավ ենք ճանաչում, բայց կետեր չենք շարադրելու: Պարզապես չի կարելի չափ ու սահման անցնել միայն այն պատճառով, որ մենք սիրում կամ չենք սիրում հարգում կամ չենք հարգում երկրի այս կամ այն ղեկավարին:
Վահան Շիրխանյանի անհեթեթության հրապարակումը հարված է մեր պետությանը, մեր անվտանգությանը, հարված է ներքին խաղաղությանը, հարված է ներքին գրված եւ չգրված օրենքներին, որոնք վերաբերում են նույնիսկ միմյանց հետ, մեղմ ասած, ոչ հարթ հարաբերությունների մեջ գտնվող ուժերի փոխհարաբերություններին:
Կարճ ասած, Շիրխանյանի անհեթեթության հրապարակումը ձեռնտու էր միայն մեր երկրի թշնամիներին: Ընդամենը:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...