Շոուն շարունակվում է. եւս մեկ ձերբակալված
Ցանկացած պետության հիմքերը քանդում է արդարության, արդարադատության բացակայությունը, իսկ երբ այդ արդարությունն ու արդարադատությունն իրականացվում է ընտրովի եւ հատկապես շոու ապահովելու նպատակով, ապա հիմքերը փլվում են շատ ավելի արագ:
Քննչական կոմիտեն այսօր շտապեց հայտարարել, որ ձերբակալվել է ՀՀ առողջապահության նախկին փոխնախարար Վ. Պողոսյանը: Հաղորդագրությունից պարզվում է, որ չարածահումներ են հայտնաբերվել «Տուբերկուլյոզի դեմ պայքարի ազգային կենտրոն» ՊՈԱԿ-ում:
Առերեւույթ կատարված մի շարք չարաշահումների դեպքի առթիվ հարուցվել է քրեական գործ՝ ՀՀ քրեական օրենսգրքի 179-րդ հոդվածի 3-րդ մասի 1-ին կետով եւ 308-րդ հոդվածի 1-ին մասով:
Նշվում է, որ ձեռնարկված մեծածավալ քննչական եւ դատավարական գործողությունների արդյունքում բազմաթիվ չարաշահումներ են ի հայտ եկել, պարզվել ֆինանսական բնույթի առերեւույթ չարաշահումներ կատարած անձանց ինքնությունը, ժամանակահատվածը եւ մեխանիզմը:
Քննությամբ պարզվել է, որ հիշյալ չարաշահումները կատարվել են 2014-2018թթ. ընկած ժամանակահատվածում:
Տվյալներ են ձեռք բերվել՝ վերոնշյալ չարաշահումների դեպքերին ՀՀ առողջապահության նախկին փոխնախարարի առնչության վերաբերյալ:
Ընդ որում չի նշվում առերեւույթ պատճառած վնասի չափսը, չի նշվում, թե ինչու չէր կարելի գործի քննություն իրականացնել առանց ձերբակալության: Եւ որ ամենակարեւորն է, հարց է առաջանում, եւ այդ հարցը առաջանում է ՀՀ բազմաթիվ քաղաքացիների մոտ՝ մի՞թե Վ. Պողոսյանն այն միակ պաշտոնյան է եղել, որը առերեւույթ չարաշահումներ է արել:
Հայաստանը փոքր բնակչություն ունեցող երկիր է: Հայաստանում գրեթե բոլորը միմյանց ճանաչում են, լավ գիտեն ովքեր են հարկեր մուծել, ովքեր չեն մուծել եւ շարունակում են չմուծել, լավ գիտեն թե ովքեր եւ ինչքան ճարաշահումներ են իրականացրել:
Այնպես որ, թարգեք ընտրովի արդարադատության իրականացումը: Կամ օրենքի առաջ հավասար են բոլորը կամ թարգեք այս ձերբակալություններն ու կալանավորումները:
Ի դեպ, ժողովրդին շատ մոտ կանգնած աղբյուրները պնդում են, որ այս ձերբակալությունները եւ կալանավորումները միայն ծիծաղ եւ քմծիծաղ են առաջացնում: Ձերբակալություններով այլեւս վարկանիշ չեք բարձրացնի:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...