Գոյություն ունի առնվազն երկու Նիկոլ Փաշինյան
Արդեն, կարծես թե, սովորական է դարձել, որ Նիկոլ Փաշինյանը այս կամ այն հարցի շուրջ մի բան է ասում, իսկ նրա կուսակից կառավարության անդամները կամ պատգամավորները՝ մեկ այլ:
Սովորական է դարձել, բայց մենք չենք դադարում զարմանալ:
«Ինձ հայտնի է, որ Հայաստանի վարչապետ Նիկոլ Փաշինյանը զբաղվում է ազգային ավիափոխադրող ունենալու հարցով»,- մարտի 6-ին լրագրողների հետ հանդիպման ժամանակ այս մասին ասել է ԱԺ Տարածքային կառավարման, տեղական ինքնակառավարման, գյուղատնտեսության եւ բնապահպանության հարցերով մշտական հանձնաժողովի նախագահ, «Իմ քայլը» դաշինքի պատգամավոր Վարազդատ Կարապետյանը:
Ավելին, նա հիշեցրել է, որ այս ոլորտի փորձագետներից կազմված աշխատանքային խումբ է ստեղծվել: Կարապետյանը նաեւ նշել է, թե սեփական ավիափոխադրողի առկայությունը ազգային անվտանգության հիմքերից մեկն է:
Հիմա ուշադրություն: Ընդամենը երեք շաբաթ առաջ, կրկնում ենք, ոչ թե երեսուն, կամ երեք տարի, կամ երեք ամիս առաջ, այլ երեք շաբաթ առաջ այս հարցի վերաբերյալ արտահայտվել է Նիկոլ Փաշինյանը, երբ փետրվարի 14-ին ԱԺ-ում քննարկվում էր կառավարության ծրագիրը:
«Կառավարությունն ավիափոխադրող ստեղծող չի. ով ունի ավիափոխադրող ստեղծելու ծրագիր, որը նորմալ ծրագիր է, թող ներկայացնի, քննարկենք»,- ասել է Փաշինյանը:
Հատուկ նրանց համար, որոնք սիրում են հետո մեկնաբանել, սիրունացնել Փաշինյանի խոսքերը հիշեցնում ենք, որ նա ասել է՝ կառավարությունը ավիափոխադրող ստեղծող չի:
«Որովհետեւ գիտե՞ք ինչ «լավ» առաջարկ կա: Ասում են՝ եկեք էս բոլոր չվերթները հանեք, սաղ տվեք մեզ: Դա լա՞վ ճանապարհ է: Մենք այդ ճանապարհով արդեն գնացել ենք, երկու անգամ ազգային ավիափոխադրող ենք ունեցել: Ես շատ ուզում եմ, որ ով ունի էդպիսի ծրագիր, թող գա, առաջարկի: Կամ գալիս ասում են՝ ուզում ենք 100 մլն դոլարի ներդրում անենք, բայց պիտի կառավարությունը երաշխիք տա: Մենք էլ ասում ենք՝ կառավարության երաշխիքով ով էլ ասես, կանի 100 մլն ներդրում: Դա նշանակում է, որ եթե ձախողվեց, կառավարությունը պետք է փակի, այսինքն ժողովուրդը»,- ընդգծել է Փաշինյանը:
Ստացվում է, որ գոյություն ունի ոչ թե մեկ, այլ առնվազն երկու Փաշինյան, որոնցից մեկի հետ էլ շփվում է պատգամավոր Վարազդատ Կարապետյանը, ընդ որում այն Փաշինյանի, որը կարեւորում է եւ զբաղվում է ազգային ավիափոխադրողի ստեղծմամբ:
Ահա այսպիսի տխուր պատմություն, եւ ինչպես չավելացնես՝ ահա թե ինչպես են կործանվում պետությունները:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...