Գործով զբաղվեք, ոչ թե արհեստական տոներ հորինեք
Գործող կառավարող ուժից, նրա առաջնորդներից ժողովրդի դժգոհությունները գնալով աճում են: Եւ ինչպես չաճեն, եթե անարդարությունը չի հաղթահարվել, եթե կրճատումներ են, եթե մենաշնորհները պահպանվում եւ ընդլայնվում են, եթե աշխատատեղեր չեն ստեղծվում, եթե աշխատավարձերը չեն բարձրանում, հացը թանկանում է, եթե գյուղացուն կրկին մենակ են թողնում իր խնդիրների հետ:
Եւ այս իրավիճակում կառավարողները որոշել են ժողովրդին կերակրել միայն շոուներով, այլ կերպ ասած տեսարաններով, բայց առանց հացի: Ընտրովի արդարադատություն են իրականացնում, ժողովրդին տեսարաններ մատուցելով, մարտի 1-ին փորձում ուժի ցուցադրման երթ անցկացնել եւ տապալվում են, հիմա էլ որոշել են նոր տոներ եւ հիշատակի օրեր ավելացնել:
Մարտի 1-ը ոչ աշխատանքային օր հռչակելու խոսակցությունները դեռ չավարտված, հիմա էլ համառ լուրեր են շրջանառվում, որ ցանկանում են ապրիլի 24-ի նախօրեն՝ ապրիլի 23-ը տոն հռչակել, անունն էլ դնել քաղաքացու օր, ինչ է թե այդ օրը հրաժարական է տվել Սերժ Սարգսյանը:
Եւ այստեղ հարց, իսկ ինչու ապրիլի 23-ը եւ ոչ թե փետրվարի 3-ը, կամ փետրվարի 20-ը կամ մայիսի 20-ը:
Իրականում նման տոն ավելացնելն անհեթեթություն է: Քաղաքացու օր պետք է լինի յուրաքանչյուր նոր օրը: Քաղաքացու օրը պետք է նշվի ամեն օր հարգելով քաղաքացու իրավունքներն ու արժանապատվությունը:
Իսկ այսպես տպավորություն է, որ մեր նոր կառավարիչները տառապում են ֆրանսիական հեղափոխական բարդույթով եւ շուտով նոր տարին հռչակելու են ոչ թե հունվարի 1-ը, այլ մայիսի 8-ը, փոխելու են ամսանունները, շաբաթվա անունները, որից հետո, օրինակ, մարտը կանվանափոխվի մակունց, իսկ սեպտեմբերը՝ միզոմբեր, դեկտեմբերն էլ, օրինակ, ավինբեր: Երեքշաբթին էլ կլինի քայլշաբթի, չորեքշաբթին հեղշաբթի;
Իսկապես, ժամանակն է արդեն գործով, կոնկրետ աշխատանքով զբաղվել: Թարգեք տոներ հորինելը, հիշատակի օրեր ավելացնելը, դեկլարատիվ հայտարարություններ անելը մտադրությունների մասին: Մի խոսքով՝ գործով զբաղվեք եւ թարգեք նյուվասյուկիզմը, որից ժողովուրդը կուշտ է:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...