Գրականության Նոբելյան մրցանակը 2018 և 2019 թվականների համար կշնորհվի միաժամանակ
Շվեդիայի գիտությունների թագավորական ակադեմիան այս տարվա աշնանը գրականության ասպարեզում Նոբելյան մրցանակ կշնորհի միաժամանակ 2018 և 2019 թվականների համար:
«Գրականության նոբելյան մրցանակը կրկին կշնորհվի, աշնանը կհայտարարվի 2018 և 2019 թվականների դափնեկիրների անունները», - ասվում է Նոբելյան հիմնադրամի տարածած հայտարարության մեջ:
Անցյալ տարվա ընթացքում Նոբելյան հիմնադրամն ու շվեդական ակադեմիան երկխոսություն են վարել այդ մրցանակի շուրջ 2017-ի վերջին-2018-ի սկզբին ծագած խնդիրների շուրջ և մրցանակի շնորհման գործընթացի մի շարք կարևոր փոփոխություններ են հաստատել:
Մասնավորապես, նշվում է, որ մրցանակի հավակնորդների ընտրությանը կմասնակցի հինգ անկախ փորձագետ, որոնք Շվեդիայի գիտությունների թագավորական ակադեմիայի անդամ չեն հանդիսանում: Բացի այդ, ակադեմիայի մի քանի նոր անդամներ են ընտրվել:
Հաղորդվում է, որ Նոբելյան հանձնաժողովում այժմ ընդգրկված չեն անցյալ տարվա իրադարձությունների հետ առնչություն ունեցող անձինք:
Հիշեցնենք, որ անցյալ տարվա մայիսին շվեդական ակադեմիան հայտարարել էր գրականության Նոբելյան մրցանակ չշնորհելու որոշման մասին: Որոշման համար պատճառ էր հանդիսացել լուսանկարիչ Ժան Կլոդ Առնոյի հետ կապված սկանդալը, որը Շվեդիայի վերաքննիչ դատարանի առաջ է կանգնել սեռական բնույթի հանցագործության մասին գործով:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան