Ո՞վ որոշեց լրատվամիջոցներին հանել իրենց տարածքներից
Հայաստանում մամուլը կատարելության չի հասել, ավելին, անգամ հեռու է կատարելությունից, բայց դա ունի իր օբյեկտիվ եւ սուբյեկտիվ պատճառները: Այսուհանդերձ, միայն այն փաստը, որ մամուլը կատարյալ չէ, դա դեռ հիմք չէ, որ այն պետք է իշխանությունների կողմից ճնշումների ենթարկվի, ընդ որում, տարատեսակ կիսաքողարկված հնարքների միջոցով:
Քաղաքապետարանի նախաձեռնությունը, որով մի շարք լրատվամիջոցներին գրություն են ուղարկել, առաջարկելով հնգօրյա ժամկետում ազատել զբաղեցրած տարածքները լուրջ մտահոգություն է պատճառում, հատկապես, երբ անգամ դպրոցականներն են հասկանում, որ դա ոչ թե Հայկ Մարությանի կարգին նախաձեռնությունն է, այլ ավելի վերեւներից եկող նախաձեռնություն:
Վստահաբար կարելի է պնդել, որ առանց վերեւների հետ խորհրդակցելու մեր կարգին քաղաքապետը նման արկածախնդրության մեջ չէր ներքաշվի:
Ցավալի է, բայց փաստ, որ գործող իշխանությունները, որքան էլ տարօրինակ հնչի, կենտրոնացել են մամուլի դեմ: Պատահական չէ նաեւ վարչապետի ավագ դստեր ֆեյսբուքյան սկանդալային գրառումը մամուլի վերաբերյալ:
Ակնհայտ է, որ ժողովրդի ուսերի վրա նստած իշխանության եկածներն առանձնապես ջերմ չեն մամուլի նկատմամբ եւ չափազանց սուր են ընդունում ցանկացած քննադատություն, անգամ բարեկամական քննադատություն: Գուցե սա է պատճառը, որ նրանք, ըստ շրջանառվող լուրերի, իրենց ձեռքի տակ են պահում ֆեյքերի հսկայական բանակ, որոնք միանգամից հարձակվում են քննադատական տողերի կամ ռեպորտաժների հեղինակների վրա, նրանց հասցնելով ամենաստոր եւ կեղտոտ վիրավորանքները:
Մամուլին ճնշող իշխանությունը մատնում է իր թուլությունները եւ գրոհելով մամուլի դեմ գցում վարկանիշը եւ ավելի ու ավելի թուլանում: Այնպես որ, հանգիստ թողեք լրատվամիջոցներին եւ զբաղվեք ձեր բուն գործառույթներով, որոնք այնքան շատ են, որ դուք մամուլի դեմ գրոհիների մասին չեք էլ հասցնի մտածել:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...