Գանձախուզության փորձ հուշարձանի տարածքում. (լուսանկարներ)
«Պահպանության ծառայություն» ՊՈԱԿ-ի Վայոց ձորի մարզային ծառայության հուշարձանների պահապանները հերթական շրջայցի ժամանակ, «Գլաձորի համալսարան» պատմամշակութային արգելոց-թանգարանի՝ Թանահատի վանական համալիրի տարածքում, հողաշերտի խաթարման դեպք էին արձանագրել: Անհայտ անձինք երկու գերեզմանոցներում փորել էին խաչքարի ու երեք տապանաքարերի շրջակայքը, տապանաքարերից մեկն էլ՝ շրջել:
Այս մասին հայտնում են «Պատմամշակութային արգելոց-թանգարանների և պատմական միջավայրի պահպանության ծառայություն» ՊՈԱԿ-ի լրատվության բաժնից:
Մարզային ծառայության ահազանգից հետո, «Պահպանության ծառայություն» ՊՈԱԿ-ի տնօրենի տեղակալ Կարեն Փահլևանյանը, ՊՈԱԿ-ի գիտնական քարտուղար, պատմական գիտությունների դոկտոր, պրոֆեսոր Աշոտ Փիլիպոսյանը, օպերատիվ արձագանքման բաժնի վարիչ Մենուա Գևորգյանը մեկնել են 13-17-րդ դարերով թվագրվող հուշարձանի տարածք:
Դեպքին օպերատիվ են արձագանքել նաև ոստիկանները: «Պահպանության ծառայություն» ՊՈԱԿ-ի պատասխանատուների հետ միասին հուշարձանի տարածքում տեղազննություն են իրականացրել Ոստիկանության Եղեգնաձորի բաժնի պատասխանատուները՝ բաժնի պետ, փոխգնդապետ Արմեն Հարությունյանի գլխավորությամբ:
Ուսումնասիրությամբ արձանագրվել է, որ գանձախուզության փորձի արդյունքում խաթարվել է հուշարձանի հողաշերտը, բայց հուշարձանին որևէ վնաս չի հասցվել:
ՊՈԱԿ-ի ղեկավարության և ոստիկանության բաժնի պետի միջև պայմանավորվածություն է ձեռք բերվել հետագա հնարավոր իրավախախտման դեպքերից խուսափելու համար ուժեղացնել հսկողութունը հուշարձանի տարածքում, միջոցներ ձեռնարկել՝ գանձախուզության փորձ կատարած անձանց հայտնաբերման ուղղությամբ:
ՊՈԱԿ-ի տնօրենի տեղակալ Կարեն Փահլևանյանի՝ հնարավորինս սեղմ ժամկետում հուշարձանը բերել նախնական տեսքի հանձնարարության կատարումը շատ չի ուշացել:
Մարզային ծառայության աշխատակիցները հաջորդ օրը, հատուկ տեխնիկայի կիրառմամբ, ուղղել են շրջված տապանաքարը, հուշարձանը բերել են նախնական տեսքի, մաքրել՝ տարածքը:
Օրեր առաջ Վայոց ձորի տարածաշրջանային պետական քոլեջի զբոսաշրջության բաժնի ուսանողները, քոլեջի ղեկավար Արգամ Դովլաթյանի հետ Թանահատից դեպի Սուրբ Խաչ եկեղեցի գնացող ճանապարհին պատահաբար երկու դամբարան էին նկատել ու տեղեկացրել ՊՄՊ մարզային ծառայությանը:
ՊՈԱԿ-ի ղեկավարությունը եղել է նաև դամբարանների տարածքում: Ուսումնասիրությամբ փաստվել է, որ դրանցից մեկը բացված էր՝ խաթարվել էր արտաքին տեսքը, մյուսը՝ ոչ:
Վթարային ջրանջատում Երևանի Էրեբունի վարչական շրջանում
65+ տարիքային սահմանափակումը վերացվեց, մեր հազարավոր քաղաքացիներ կկարողանան շարունակել իրենց աշխատան...
Երևանում և Արմավիրի մարզում լցակայանների և ավտոտեխսպասարկման կետի գործունեություն է դադարեցվել
«Զովետի» ՍՊ-ում հայտնաբերվել է վտանգավոր կաթնամթերք, արտադրությունը կասեցվել է
Հայաստանում այսօրվանից մեկնարկել է խորհրդարանական ընտրությունների քարոզարշավը
Տավուշի մարզում անցկացվել են հատուկ տակտիկական ուսումնավարժություններ
Համբերատար սպասում եմ, մինչեւ ԵՄ-ն կատարի պատմական առեւտրային համաձայնագրով նախատեսված իր մասը
Արարատ Միրզոյանը «Երևանյան երկխոսությունում» երիտասարդների հետ քննարկել է Հայաստանի արտաքին քաղաքակա...
Արհեստների միջազգային 5-րդ փառատոնն այս տարի կանցկացվի Մեղրիում
Ավտոմեքենան Աղավնավանք բնակավայրի կամրջից ընկել է գետը