Փարիզի դատախազությունը պահանջում է կարճել Կենտրոնաֆրիկյան Հանրապետությունում բռնաբարությունների վերաբերյալ գործը
Փարիզի դատախազությունը պահանջում է կարճել ֆրանսիական զինվորականների նկատմամբ հարուցված գործը, ովքեր մեղադրվում են Կենտրոնաֆրիկյան Հանրապետությունում անչափահասների բռնաբարության մեջ,– հաղորդում է «Ֆրանս Պրեսս» գործակալությունը։
2016-ի մարտին «AIDS-Free World» կազմակերպությունը հրապարակել է ԿԱՀ–ում զինվորականների կողմից ավելի քան հարյուր սեռական բնույթի ոտնձգությունների նոր դեպքերի մասին, որոնք տեղի են ունեցել 2013-2015 թվականներին։ Զոհերի մեծ մասը անչափահասներ են եղել։
Ինչպես նշում է գործակալությունը՝ գործը կարճելու մասին պետք է հաղորդեն քննիչները։ Դա դեպքերի զարգացման ամենահավանական տարբերակն է, քանի որ զինվորականների նկատմամբ կոնկրետ մեղադրանքներ չեն հարուցվել։
ՄԱԿ–ում Անգոլայի մշտական ներկայացուցիչ Գասպար Մարտինսը, ՄԱԿ–ի անվտանգության խորհրդի արտահերթ խորհրդատվություններից հետո հայտարարել է, որ Ֆրանսիայի ներկայացուցիչը հավաստիացրել է, որ ֆրանսիական զինվորականներին առաջադրված մեղադրանքները լիովին կհետաքննվեն։
Ֆրանսիական ուժերը վերջին մի քանի տարիներին ԿԱՀ–ում իրականացնում էին «Սանգարիս» օպերացիան՝ ՄԱԿ–ի խաղաղության պահպանման առաքելությանը զուգահեռ։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ