Ֆրանսիայում աբորտների հակառակորդներին պատժելու են
Ֆրանսիայում ուժի մեջ է մտել այն օրենքը, որը նախատեսում է պատիժ կայքերի ու վստահության հեռախոսների համար, որոնց միջոցով կանանց վրա ճնշում է գործադրվում ու միտումնավորում ապատեղեկացնում՝ որպեսզի նրանց համոզեն հրաժարվել աբորտից, հայտնում է RFI–ն։
Այսուհետ Ֆրանսիայում պատժելու են նրանց, ովքեր ցանկացած միջոցով, այդ թվում համացանցում կփորձի խանգարել կանանց տեղեկություններ ստանալ աբորտների մասին կամ էլ աբորտ անել։
Խոսքը հատկապես այնպիսի տեղեկությունների տարածման մասին է, որոնք միտումնավոր ապակողմնորոշում են կանանց՝ առողջության համար աբորտների հետեւանքների հարցում։
Ֆրանսիայում աբորտներին խանգարելու փորձերի համար պատիժ հայտնվել էր 1993-ին։ Այն նախեւառաջ տարածվում էր այն ակտիվիստների վրա, որոնք խոչընդոտում էին աբորտներ իրականացնող բուժհաստատությունների աշխատանքին։ Նրանց կարող էին պատժել մինչեւ երկու տարի ազատազրկումով կամ էլ մինչեւ 30 հազար եվրո տուգանքով։ Իսկ հիմա այդ պատժամիջոցը կտարածվի նաեւ համացանցի ու էլեկտրոնային հաղորդակցության միջոցների վրա։
Բայց պատիժը միայն վարչական է լինելու, բացի դրանից պատժվելու են միայն այն փորձերը, որոնք որոշակի կնոջ կամ կանանց որոշակի խմբի են խոչընդոտում աբորտի մասին տեղեկություն ստանալ։
Այս օրինագիծը բուռն քննարկումներ է առաջացրել է Ֆրանսիայի խորհրդարանում։ Կողմ են քվեարկել ձախերն ու կոնտրոնամետները։ Աջ Հանրապետականները դեմ են արտահայտվել։ Նրանք համարում են, որ այդ միջոցառումը խոչընդոտում է խոսքի ազատությանը։
Ֆրանսիայում տարեկան 200 հազար աբորտ է արվում։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ