Երկու պատմություն հատուկ Նիկոլ Փաշինյանի համար
ՀՀ վարչապետ Նիկոլ Փաշինյանը հայտարարում է, թե աղքատությունը մարդու գլխում է: Եւ քանի որ նրա վարկանիշը ժողովրդի մի հատվածի մոտ դեռ բավական բարձր է, ապա նրանք սկսel են փորփրել իրենց գլուխը, հասկանալու համար, թե ինչու են աղքատ:
Հատուկ Նիկոլ Փաշինյանի համար երկու պատմություն ներկայացնենք հետագա մտորումների համար:
1953 հուլիսի 23-ին, երբ Կորեան բաժանվեց երկու հատվածի երկու եղբայրներ՝ Քիմ Յոն Գվոնը եւ Քիմ Մին Ջեն մնացին տարբեր հատվածներում: Նրանցից մեկը 20 տարեկան էր՝, մյուսը՝ 18:
Քիմ Յոն Գվոնը, ճիշտ է, ամբողջ կյանքում ապրեց կարոտով, այդպես էլ չտեսնելով ծնողներին եւ եղբորը, բայց ապրեց լավ, բարեկեցիկ կյանքով: Նա ապրեց Հարավային Կորեայում:
Քիմ Մին Ջեն ապրեց Հյուսիսային Կորեայում, ապրեց ծայրահեղ աղքատության մեջ, ինչպես միլիոնավոր հյուսիսկորեացիներ: Մահացավ հյուծումից:
Մեկ այլ պատմություն:
Արիստակես Արիստակեսյանը 1949 թվականին Սիրիայից տեղափոխվեց Հայաստան, որտեղ նրան կարճ ժամանակում աքսորեցին եւ ուղարկեցին Սիբիր: Այնտեղ նա աքսորում անցկացրեց տասը տարի, հետո այլեւս Հայաստան չվերադարձավ, մնաց Ալթայում, որտեղ ապրեց աղքատ:
Արիստակես Արիստակեսյանի եղբայրը՝ Կարպիսը մնաց Սիրիայում, ապրեց լավ, նորմալ: Նա լավ ոսկերիչ էր, ինչպես եղբայրը՝ Արիստակեսը:
Հիմա հարց՝ աղքատությունն ո՞ւմ գլխում է:
Հ.Գ. Ի դեպ, այն հատվածը որը խորհրդարանում ցիտեց Նիկոլ Փաշինյանը Հրանտ Մաթեւոսյանից, բոլորովին էլ աղքատությանը չէր վերաբերում:
Հ.Գ. 2 Եթե ԱՄՆ-ի, Ճապոնիայի, Հարավային Կորեայի, Գերմանիայի, Մեծ Բրիտանիայի ղեկավարներն ասեն, թե աղքատություն մարդկանց գլխներում է, թեեւ իրենց նման բան ասել թույլ չեն տա, ապա մեծ հաշվով ճիշտ կլինեն, բայց...
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...