Երջանկության վարկանիշով Ադրբեջանը առաջ է անցել Հայաստանից
Երջանկության համաշխարհային վարկանիշային աղյուսակում Ադրբեջանը գրավել է 85-րդ տեղը։ Հայաստանը այդ ցուցակում 121-րդն է, Վրաստանը զբաղեցնում է 125-րդ տեղը։
Այս գնահատականը զետեղված է Երջանկության համաշխարհային զեկույցում, որ պատրաստվել է ՄԱԿ–ի պատվերով՝ Կայուն զարգացման լուծումների ցանց կազմակերպության կողմից (Sustainable Development Solutions Network) եւ նվիրված է մարտի 20-ին նշվող Երջանկության միջազգային օրվան։
Նորվեգիան ճանաչվել է ամենաերջանիկ բնակչություն ունեցող երկիրը։ Երկրորդ տեղում է Դանիան, ապա գալիս են Իսլանդիան, Շվեյցարիան, Ֆինլանդիան, Նիդերլանդները, Կանադան, Նոր Զելանդիան, Ավստրալիան եւ Շվեդիան։ Գերմանիան գրավում է 16-րդ տեղը, Մեծ Բրիտանիան՝ 19, Ֆրանսիան՝ 31, Ռուսաստանը` 49, Թուրքիան՝ 69-րդ տեղում է։
Աղյուսակը եզրափակում են Ռուանդան, Սիրիան, Տանզանիան, Բուրունդին, ամենավերջին տեղում՝ Կենտրոնական–Աֆրիկյան հանրապետությունն է։
Հետազոտության հեղինակները փորձում են պարզել, թե որքանով է բնակչությունը գոհ իր կյանքից՝ աշխարհի 155 երկրներում։ Ընդ որում, հաշվի է առնվել վեց գործոն. բնակչության մեկ անձին ընկնող ՀՆԱ–ն, կյանքի ակնկալվող տեւողությունը, սոցիալական աջակցություն բարդ իրավիճակներում, վստահություն (կառավարությանը), որոշումներ կայացնելու՝ մարդկանց կողմից ընկալվող ազատության աստիճանը, ինչպես նաեւ առատաձեռնությունը (որ գնահատվում է մարդկանց կողմից նվիրաբերումներ անելու չափի տեսանկյունից)։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ