Գեւորգ Կոստանյանը, նոր ինդուլգենցիան եւ հուզական հասարակությունը
Ալեն Սիմոնյանը, որն այժմ զբաղեցնում է ՀՀ ԱԺ փոխնախագահի պաշտոնը, հերթական լայվի ժամանակ ասել է, թե ՀՀ նախկին գլխավոր դատախազ, նախորդ գումարման ԱԺ-ում ՀՀԿ խմբակցության անդամ Գևորգ Կոստանյանը լավ իրավաբան է:
Այսքանից հետո նա ավելացրել է. «Կոստանյանը քաղաքական առումով ներկայացրել է այլ թիմ, եւ ժամանակին պաշտպանել է Նիկոլ Փաշինյանին որպես ժողովրդի կողմից ընտրված թեկնածու, որն անձամբ ես բավականին բարձր եմ գնահատում։ Ես չեմ ուզում խոսել պարոն Կոստանյանի արժանիքների կամ ընդհակառակը՝ բացասական կողմերի մասին։ Նման մտադրություն չունեմ»։
Ընտրովի վերաբերմունքը նախկին իշխանությունների այս կամ այն ներկայացուցչի նկատմամբ, մեղմ ասած, երկրի զարգացմանը, Հայաստանում բարոյահոգեբանական մթնոլորտի նորմալացմանը չի նպաստում:
Ինդուլգենցիան՝ մեղքերի թողությունը, քաղաքականությունում երկիրը ոչ թե առաջ, այլ հետ է շպրտում: Ընտրովի վերաբերմունքը այս կամ այն գործչի նկատմամբ, այն տոնը, որով ասվում է թե այսինչին կամ այնինչին պետք է նոր շանս տանք, հիշեցնում է վաղ միջնադարյան Եվրոպան, եւ ոչ թե ներկա քաղաքակիրթ աշխարհը:
Սկզբում ինդուլգենցիայի ենթարկվեց Հունն Պողոսյանը, որը հաջողությամբ հու-հու, հա-հա արեց, իսկ հիմա, կարծես թե, հու-հու, հա-հա անելու հերթը այն մարդունն է, որը հաջողությամբ քնացրեց մարտի 1-ի գործը, եւ բացի այդ, Հայաստանի ամենահաջող գլխավոր դատախազը չէր:
Ինդուլգենցիայի այս դրսեւորումները շատ վատ նախադեպ է, որից պետք է հրաժարվել, հատկապես հաշվի առնելով ներկայիս հասարակության հուզականության բարձր աստիճանը:
Եթե Ալեն Սիմոնյանը հետեւում է իր հայտարարությունից հետո սոցիալական ցանցերի եւ մամուլի արձագանքին, ապա հաստատ նա եւ իր թիմակիցները պետք է հետեւությունններ անեն եւ առաջին հերթին փոխեն այն տոնը, ձեւը, եղանակը, որով հայտնում են իրենց կարծիքը այս կամ այն գործչի մասին, հրաժարվեն ինդուլգենցիայից, չգնահատեն նրանց, ովքեր «ճիշտ պահին» ճամբարափոխ եղան եւ ամեն ինչ անեն երկրում առկա հուզականության, անհանդուրժողականության մթնոլորտը վերացնելու համար:
Իսկ երբ ընտրովի «մեղքերի թողություն է» շնորհվում, այն էլ ամենաչընդունված կերպարներից մեկին, որը մեկ օրում 180 աստիճանով փոխեց իր կարծիքը, դիրքորոշումը, հանրության արձագանքը հենց այսպիսին էլ պետք է լիներ:
Աննա Բաղդասարյան
Top-News.am
ԱԺ փոխնախագահը հավաստիացրել է՝ խոսքը որևիցե մեկին պաշտոն տալու քննարկման մասին չէ, այդ հարցով որևէ քննարկում չի եղել. «Ես պնդում եմ՝ Գևորգ Կոստանյանը լավ իրավաբան է, և եթե նա կարող է Արցախին օգուտ տալ միջազգային ասպարեզում և պաշտպանել Արցախի դեմ Ադրբեջանի հայցից, ես պատրաստ եմ դիմել իր և յուրաքանչյուրի օգնությանը դիմել»,–եզրափակել է նա։
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Անտարկտիդայում հայտնաբերված առաջին դինոզավրի ոսկորը գտել են դարակում
Երևանում մի քանի փողոցներում կփոխվի երթևեկության կազմակերպումը
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...