Էստոնիա է ժամանել ՆԱՏՕ-ի գումարտակի առաջին խոշոր ստորաբաժանումը

ՆԱՏՕ-ի միջազգային գումարտակի առաջին խոշոր ստորաբաժանումը, որի կազմում են Մեծ Բրիտանիայի 130 զինծառայողներ, Էստոնիա է ժամանել: «ՌԻԱ Նովոստի»-ի փոխանցմամբ՝ այս մասին հայտնել են Էստոնիայի Պաշտպանության ուժերի Գլխավոր շտաբից:

«Բրիտանացի զինծառայողներն ուղեւորվում են մշտական տեղակայման վայր՝ Տապայի ավիաբազաներ»,- նշված է հաղորդագրության մեջ:

Էստոնիայում են արդեն բրիտանացի 80 զինծառայողներ, որոնք էստոնացի գործընկերների հետ պատրաստվում են ընդունել ՆԱՏՕ-ի ստորաբաժանումներին:

Հաջորդ շաբաթ զինծառայողներ եւ ռազմական տեխնիկա, այդ թվում՝ տանկեր, հետեւակի ռազմական մեքենաներ եւ ինքնագնաց հրետանային տեղակայանքներ կժամանեն Մեծ Բրիտանիայից եւ Ֆրանսիայից:

Էստոնիայում ՆԱՏՕ-ի գումարտակի կազմում կլինի 1,2 հազար մարդ՝ 800 զինվոր Մեծ Բրիտանիայից, մնացածը՝ Ֆրանսիայից եւ Դանիայից: Մեծ Բրիտանիան տրամադրում է նաեւ Warrior ռազմական մեքենաներ, Challenger 2 տանկեր եւ հետախուզական անօդաչուներ: Ֆրանսիան նույնպես ծանր ռազմական տեխնիկա է տրամադրում՝ Leclerc տանկեր եւ զրահամեքենաներ:

 NEWS.am