Կոտայքի մարզպետի հուզառատ գրառումն իր կողմից տրամադրված աննախադեպ պարգեւավճարների կապակցությամբ
Երբ հանրությանը հայտնի դարձավ, որ Կոտայքի նորաթուխ մարզպետ Ռոմանոս Պետրոսյանն իր թիմակիցներին մոտ 11-12 հազար դոլարի պարգեւավճար է բաժանել, նա որոշեց հուզառատ տեքստով դիմել հանրությանը:
Հենց ամենասկզբում մարզպետը, մեղմ ասած, կոպիտ սխալ է թույլ տալիս, որին արդեն պետք է հետեւեր նրա հրաժարականը կամ պաշտոնանկությունը: Ռոմանոս Պետրոսյանն ասում է. «Կոտայքի մարզի հարգելի՛ քաղաքացիներ և ԶԼՄ ներկայացուցիչնե՛ր, թեև ես ինձ համար որպես սկզբունք եմ որդեգրել՝ չանդրադառնալ ամեն տեսակի բամբասանքի...»:
Սա արդեն իսկ բավական է պատկերացում կազմելու համար, թե ում կամ ինչ տեսակ մարդու հետ գործ ունենք: «Հետքը» փաստարկված եւ անհերքելի փաստերով նյութ է հրապարակել, որը արտատպել կամ որի հիման վրա այլ լրատվամիջոցներ եւս անդրադարձել են այս խնդրին, իսկ մարզպետն ասում է, թե գործ ունենք բամբասանքի հետ:
Այսքանից հետո այլեւս անիմաստ է անդրադառնալ նրա գրածին: Միայն ավելացնենք, որ երբ Top-News.am-ի հրապարակման ներքո մի օգտատեր մարզպետին հուշում է, որ բամբասանքի մասին խոսք անգամ չկա, Ռոմանոս Պետրոսյանը երկրորդ սխալն է թույլ տալիս եւ գրում. «Խոսքը «Հետքի» պատրաստած նյութից սկիզբ առած բամբասանքների ու նաեւ այդ նյութի մեջ տեղ գտած կարեւորագույն փաստերը մանիպուլյացնելով, բամբասանքներ տարածող մի շարք լրատվամիջոցների մասին է»:
Հիշեցնենք, որ Կոտայքի նորաթուխ մարզպետը Ռոմանոս Պետրոսյանը 2018 թ-ի դեկտեմբերի 17-ին ստորագրել է «N 198 Ա» կարգադրությունը, որը վերնագրված է «ՀՀ Կոտայքի մարզպետարանի մի խումբ աշխատողների պարգևատրելու մասին»: Մարզպետարանի աշխատակիցները որակյալ աշխատանքի կատարման համար պարգևատրվել են մարզպետարանի աշխատավարձի ֆոնդի տնտեսված միջոցներից:
Այդ կարգադրությամբ պարգևավճարներ են ստացել հետևյալ անձինք.
Մարզպետի տեղակալ Առնակ Ավետիսյան- 460 հազար 334 դրամ
Մարզպետի տեղակալ Վասակ Վարդանյան- 460 հազար 334 դրամ
Մարզպետի տեղակալ Լարիսա Մադոյան- 460 հազար 334 դրամ
Մարզպետի օգնական Գևորգ Առուստամյան- 258 հազար 938 դրամ
Մարզպետի օգնական Անի Չիլինգարյան- 258 հազար 938 դրամ
Մարզպետի տեղակալի օգնական Մարիամ Հակոբյան- 172 հազար 625 դրամ
Մարզպետի տեղակալի օգնական Սաթենիկ Միքայելյան- 172 հազար 625 դրամ
Մարզպետի տեղակալի օգնական Պավել Ցուգունյան- 172 հազար 625 դրամ
Մարզպետարանի գլխավոր քարտուղար Լևոն Պետրոսյան- 426 հազար 384 դրամ
Պարգևատրվել են նաև վարչությունների պետեր Գրիգոր Գուլյանը, Տարոն Գևորգյանը, Լիլիթ Ստեփանյանը, Վահագն Ոսկանյանը, Հարություն Ալեքսանյանը և Մհեր Եղիազարյանը, քարտուղարության պետը և ներքին աուդիտի բաժնի պետը գլխավոր երեք մասնագետը: Պարգեւատրումների ընդհանուր չափը կազում է 5 միլիոն 792 հազար 728 դրամ:
Կոտայքի մարզպետի տեղակալներ Առնակ Ավետիսյանը, Վասակ Վարդանյանը և Լարիսա Մադոյանը նշանակվել են 2018թ. հունիս ամսին և մինչև պարգևատրվելը աշխատել են ընդամենը 6 ամիս: Մարզպետի օգնական Անի Չիլինգարյանն աշխատել է ընդամենը երեքուկես ամիս: Ֆինանսական և Սոցիալ-տնտեսական զարգացման վարչության պետ Գրիգոր Գուլյանը աշխատել է չորսուկես ամիս: Պարգևատրվածների ցանկում է նաև ԱԺ գործող պատգամավոր Լիլիթ Ստեփանյանը: Նա Հրազդանի քաղաքապետի ժամանակավոր պաշտոնակատարն էր մինչև 2018թ. հոկտեմբերի 30-ը: Դրանից հետո անցել է աշխատանքի մարզպետարանում, իսկ դեկտեմբերի 9-ին ընտրվել է ԱԺ պատգամավոր: Մարզպետարանում փաստացի աշխատել է մոտ մեկուկես ամիս:
Մեկ ուշագրավ հանգամանք՝ մարզպետն իրեն պարգեւավճար չի հատկացրել: Եւ այստեղ հարց է առաջանում՝ ինչո՞ւ:
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...