Կա ղարաբաղյան կարգավորման առաջընթացի դրական ազդանշան
Եվրամիությունը լիովին աջակցում է ԵԱՀԿ Մինսկի խմբի ջանքերին եւ առաջարկություններին։ Այս մասին ասվում է ԵՄ արտաքին քաղաքական գերատեսչության մամուլի քարտուղարի հայտարարությունում։
«Վերջին ամիսներին տեղեկությունների փոխանակումը Հայաստանի վարչապետ Նիկոլ Փաշինյանի եւ Ադրբեջանի նախագահ Իլհամ Ալիեւի միջեւ, ինչպես նաեւ արտաքին գործերի նախարարների հանդիպումները ԵԱՀԿ Մինսկի խմբի համանախագահների հովանու ներքո, որոնցից վերջինը կայացավ 2019թ. հունվարի 16-ին Փարիզում, դրական ազդանշան են հանդիսանում ղարաբաղյան հակամարտության խաղաղ կարգավորման առաջընթացի համար»,- ասվում է հայտարարությունում։
Հայտարարությունում նշվում է, որ Եվրամիությունն անհամբերությամբ սպասում է դրանց արդյունքների կատարմանը, ներառյալ ԱԳՆ ղեկավարների վերջին համաձայնությունը բնակչությանը խաղաղության նախապատրաստելու կոնկրետ միջոցներ ընդունելու անհրաժեշտության վերաբերյալ, ինչպես նաեւ այն քայլերի դիտարկումը, որոնք կուղղվեն բանակցությունների ակտիվացմանը։
Եվրամիությունը լիովին աջակցում է ԵԱՀԿ Մինսկի խմբի ջանքերին ու առաջարկություններին, այդ թվում եւ Հարավային Կովկասի ու Վրաստանի ճգնաժամի գծով ԵՄ Հատուկ ներկայացուցչի կողմից, ինչպես նաեւ հակամարտության պայմաններում քաղաքացիական հասարակության կողմից վստահության ամրապնդման միջոցով։ «Բոլորը կշահեն կայուն խաղաղությունից, որը կօգնի Հարավային Կովկասի տարածաշրջանին իրագործել իր ներուժը»,- ասվում է հայտարարությունում։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կրկին ակտիվացել են ՆԳՆ անունից զեղծարարության փորձերը
Առավոտյան բողոքել է ինքնազգացողությունից. Գալյանը՝ Արսեն Գևորգյանի մահվան մասին
Արարատ Միրզոյանն աշխատանքային այցով կգտնվի Էստոնիայի Հանրապետությունում
Միլանը հյուրընկալվել էր Ջենոային
Ինտերը հարազատ Ջուզեպպե Մեացա մարզադաշտում հյուրընկալեց Կոմոյին
Ստեփանծմինդա-Լարս ավտոճանապարհը փակ է բեռնատարների համար