Սամվել Մայրապետյանի գործի վերաբերյալ ՄԻԵԴ-ի որոշումն աննախադեպ էր ՀՀ-ի և ՄԻԵԴ-ի փոխգործակցության տարիների ընթացքում. Ռուբեն Մելիքյան
Արցախի Մարդու իրավունքների նախկին պաշտպան Ռուբեն Մելիքյանը, Tert.am-ի հետ զրույցում անդրադառնալով Մարդու իրավունքների եվրոպական դատարանի՝ Սամվել Մայրապետյանի գործով որոշմանը, ըստ որի` Հայաստանի կառավարությանը շտապ կերպով պետք է ապահովի Սամվել Մայրապետյանի առողջական վիճակին համապատասխան բուժօգնություն՝ այդ թվում տրանսլյումինալ դրենավորման մեթոդի կիրառմամբ, ասաց, որ չի հիշում դեպք, երբ նման գործիք կիրառվի ՀՀ-ի նկատմամբ:
«Չեմ հիշում, երբ գործի քննության սկզբնական փուլում, ըստ էության, պետությանը «հրահանգ» տրվի որոշակի գործողություն կատարել: Այս որոշման կայացումը, ըստ էության, աննախադեպ էր Հայաստանի և Մարդու իրավունքների եվրոպական դատարանի փոխգործակցության այս տարիների ընթացքում»,- ասաց նա և նշեց, որ մոտավորապես հարյուր վճիռ է եղել Հայաստանի վերաբերյալ գործերում, և որևէ գործում չի եղել նման գործիքի կիրառում:
Ռուբեն Մելիքյանը նշեց, որ այս որոշումը պայմանավորված է բացառապես Եվրոպական դատարանի գործերի նկատմամբ առաջնահերթություններ կիրառելու քաղաքականությամբ, և այս գործիքը կիրառվում է, եթե հատկապես վտանգ է սպառնում հատկապես կյանքի իրավունքին, խոշտանգման հետ կապված հարցերում:
Արցախի նախկին ՄԻՊ-ն ասաց, որ որքանով գործին ծանոթ է, առկա է բուժման անհրաժեշտություն, որը հնարավոր է իրականացնել Հայաստանի սահմաններից դուրս անձի նկատմամբ կիրառված է գրավը որպես խափանման միջոց, սակայն այդ շրջանակներում քննչական մարմինը արգելք է դրել անձի նկատմամբ, որ նա լքի Հայաստանի Հանրապետությունը:
Հարցին, թե այստեղից կարելի է հետևություն անել, որ կա միտում քաղաքական հնչեղության գործերին առավել խիստ վերաբերել, Ռուբեն Մելիքյանն ասաց, որ կդժվարանա նման քաղաքական հետևություն անել:
«Կարծում եմ՝ էստեղ օրենսդրական առումով մի խնդիր էլ կա, որովհետև թույլտվություն է պահանջվում երկիրը լքելու համար, սակայն խնդիրը միայն օրենսդրական չէ, այլ կոնկրետ գործող քննիչի վարքագիծն է: Այսինքն՝ խնդիրը կոնկրետ գործը քննող քննչական մարմնի մեջ է, ոչ թե Հայաստանի»,- ասաց նա:
Հարցին, թե սա ամեն դեպքում անհատական խնդիր է, թե խոսում է ընդհանրապես քննչական մարմնի վարքագծի մասին, Մելիքյանը նշեց, որ ձեռնպահ կմնա ընդհանրական բնույթի հետևություններ անելուց, քանի որ այստեղ կոնկրետ հանգամանքների, կոնկրետ որոշման հետ գործ:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...