Կարգին Հայկոյի կարգին հեքիաթը Ամանորի տոներին ընդառաջ
Երեւանի քաղաքապետի պաշտոնը զբաղեցրած Հայկ Մարությանը, որն հանրության ավելի հայտնի է Կարգին հայկո անունով, ուղերձ է հղել Ամանորի եւ Սուրբ ծննդյան տոների առիթով, որն ավելի շատ ոչ թե ուղերձ, այլ հեքիաթ է հիշեցնում:
Եւ այսպես, անցնենք հեքիաթին:
Հեքիաթի սկզբում Կարգին Հայկոն մեզ ծանոթացնում է, թե ինչ անվանումներ ունեն Երեւանի փողոցներն ու հրապարակները, կարծես այդ մասին մենք չգիտեինք եւ հենց նոր ենք իմացել:
«Մենք փայփայելու ենք մեր քաղաքի անցյալը՝ աչքի լույսի պես պահելով նրա պատմական դեմքը, խնամելով ամեն մի քարը, միեւնույն ժամանակ մենք ստեղծելու ենք նոր քաղաք՝ հարմարավետ, անվտանգ ու ժամանակակից»,- ասվում է հեքիաթում:
Իսկապես, գեղեցիկ է Նոր տարուց առաջ լսել, որ մենք կոմունիզմ, ներողություն, նոր քաղաք ենք կառուցելու: Այստեղ Ջիվանին կասեր՝ խելքի աշեցեք: Մի կողմից ասում են, թե խայտառակ տրանսպորտային միջոցներից ազատվելու համար 2-4 տարի է պետք, աղբը հազիվ են մաքրում, այն էլ 60-ականների բեռնատարներով, մյուս կողմից խոսում նոր քաղաքի մասին:
Իսկ ինչու ոչ: Եթե ունեն համապատասխան լսարան, ինչու նրանց չկերակրեն գեղեցիկ հեքիաթներով: Հաստատ կգտնվեն տասնյակ հազարավոր դուխով երեւանցիներ, որոնք հիմա աչքերը փակելով կտեսնեն այդ գեղեցիկ եւ նոր քաղաքը, որը հաստատ հետո կանվանվի Հայկավան՝ Կարգին Հայկոյի պատվին: Փակելով աչքերը կտեսնեն գերժամանակակից շենքեր, կանաչ տարածքներ, գերժամանակակից տրանսպորտային միջոցներ: Իսկ հետո կբացեն աչքերը եւ ջարդած գազելով կշտապեն կոմունալ վարձերը վճարելու, իահրեկ, մինչ այդ հայտնվելով իրենց շենքի կեղտոտ եւ ջարդված վերելակներում, որոնք, երբ աչքերը փակում են, վերածվում են շքեղ եւ անվտանգ վերելակների:
«Ամեն ինչ լավ է լինելու»,- ասվում է հեքիաթի վերջում։
Աննա Բաղդասարյան
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...