Լիլիթ Մակունցը չգիտի, իսկ կա՞ մեկը, որ գիտի
ՀՀ մշակույթի նախարարի պաշտոնակատար Լիլիթ Մակունցը՝ «Ազատություն» ռադիոկայանի հետ զրույցում անդրադառնալով այն հարցին, թե ինչու են հենց իրեն առաջարկել ղեկավարել Ազգային Ժողովում «Իմ քայլը» դաշինքի խմբակցությունը, ասել է, թե չգիտի ինչ սկզբունքով են առաջնորդվել:
Փոխարենը նա լավ տեղեկացված է, որ խմբակցությունում որոշումները միասնական են ընդունվելու, սակայն լինելու են քննարկումներ, նույնիսկ՝ բուռն, ոչ մի ավտորիտար որոշում չի կայացվելու:
Ճիշտ այսպես էր նաեւ խորհրդային տարիներին. որոշումներն ընդունվում էին միասնական, իհարկե, բուռն երկարատեւ քննարկումներից հետո՝ դեմոկրատական մեծամասնության սկզբունքով:
Նորմալ է, որ Լիլիթ Մակունցը տեղյակ չէ, թե իրեն ինչ սկզբունքով են ընտրել խմբակցության ղեկավար, բայց կարծում ենք գոնե կա մի հոգի, ով գիտի, թե ինչ սկզբունքով են առաջնորդվել, որ ընտրությունը կանգ է առել այդ աղջկա վրա, որը քաղաքականությունից հեռու է այնքան, որքան Մադագասկարի տափողակով հոկեյի հավաքականն աշխարհի առաջնության C դիվիզիոնում հանդես գալու հնարավորությունից:
Լիլիթ Մակունցն այնքան հեռու է քաղաքականությունից, որ համոզված է, թե խորհրդարանական հանրապետության տրամաբանությունը պարտադրում է, որ ցանկացած երկրում մեկ ուժ կազմի մեծամասնություն:
Այս պարմանուհին անգամ պատկերացում չունի, որ խորհրդարանական համակարգի ներմուծման հիմնական նպատակներից մեկն էլ այն էր, որ որեւէ ուժ բացարձակ մեծամասնություն չկազմի:
Ինչեւէ, ունենք այն, ինչ ունենք, եւ մնում է միայն գոտիներս ձգած սպասենք, թե Մակունցը, ասենք Ռուսաստանի կամ Ճապոնիայի, Վրաստանի կամ Էստոնիայի, Իրանի կամ Հունաստանի կառավարող ուժի խմբակցության ղեկավարի հետ ինչ է խոսելու եւ ինչպես է խոսելու: Գուցե կրկին ասի, թե ինքը տեղյակ չէ, թե Հայաստանն ինչ սկզբունքներով է առաջնորդվում այս կամ այն հարցում:
Հակոբ Ասատրյան
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...