Կարգին Հայկոն Փաշինյանին մեղադրում է ստախոսության մե՞ջ
Կարգին Հայկոն, նույն ինքը Հայկ Մարությանը դեռ քաղաքապետի պաշտոնը չզբաղեցրած արդեն իսկ սկանդալային հայտարարություններ էր անում: Նա երկիրը բաժանեց սեւի եւ սպիտակի, իսկ հետո արդեն, երբ դարձավ քաղաքապետ, մեկը մյուսից ուշագրավ հայտարարություններ է անում:
Հիմա գործը հասավ նրան, որ նա վարչապետի պաշտոնակատար Նիկոլ Փաշինյանին, կարծես թե, մեղադրում է ստախոսության մեջ:
Չդիմանալով Երեւանի ավագանու անդամ, «Լույս» խմբակցության ղեկավար Դավիթ Խաժակյանի քննադատական ելույթին, Հայկ Մարությանը, որն ավելի հայտնի է Կարգին Հայկո անունով, հայտարարեց. «Դուք լսե՞լ եք մեր խոսակցությունը վարչապետի հետ, Դուք ի՞նչ գիտեք՝ ես ինչ եմ ասել... մի կողմի ձայնագրությունն եք լսել միայն»:
Ահա այսպես, ոչ ավելի, ոչ պակաս: Իսկ այս երիտասարդը մայրաքաղաքի քաղաքապետն է: Բանավեճն էլ ծավալվել էր Երեւանի տրանսպորտային ցանցի շուրջ: Շատերն են հիշում, թե գործող քաղաքապետը ինչ խոստումներ էր տալիս, շատերն են հիշում, թե արտահերթ խորհրդարանական ընտրությունների քարոզարշավի ժամանակ Նիկոլ Փաշինյանին եւ Հայկ Մարությանի հայտնի հեռախոսազրույցի մասին:
Դավիթ Խաժակյանն իր ելույթում հիշեցրեց, որ Փաշինյանի հետ զրույցում քաղաքապետն ասել է, որ տրանսպորտի խնդիրը կկարգավորվի 2-ից 4 տարի անց: Եւ հենց այստեղ տեղի տվեցին դերասան-քաղաքապետի նյարդերը եւ նա արեց մի հայտարարություն, որի տակիս եւս դուրս չի գալու, ինչպես դուրս չի եկել նախորդ սկանդալային հայտարարությունների տակիս:
Հենց Խաժակյանն էլ նկատեց, որ Նիկոլ Փաշինյանն է այդ զրույցը ներկայացրել մամուլին. «Ստացվում է՝ վարչապետի ասածը հերքեցիք...»,- նշեց Խաժակյանը:
Ինչ վերաբերում է տրանսպորտի հիմնախնդրին, ապա մինչեւ վերջ անկեղծ լինենք, քանի դեռ քաղաքապետը Հայկ Մարությանն է, ոչ տրանսպորտի, ոչ էլ մյուս հիմնախնդիրները չեն կարող լուծում ստանալ մի շարք օբյեկտիվ եւ սուբյեկտիվ պատճառներով: Իսկ ահա նոր սկանդալային հայտարարություններ հաստատ դեռ կլինեն:
Ի վերջո մի օր Կարգին Հայկոն պետք է ասի, թե ուր մնաց նոր տրանսպորտային համակարգը, ժամանակակից աղբահանությունն ու աղբավերամշակման ֆաբրիկան, կարգին վերելակները, կարգին պոլիկլինիկանները:
Ի վերջո իրական կյանքը միջին մակարդակի ֆիլմ չէ, որ այնտեղ ինչ ուզես ասես, հետո անցնի գնա եւ որեւէ մեկը չհիշի ոչ ֆիլմի, ոչ այնտեղ հնչած մտքերի մասին:
Վարդան Մխիթարյան
Top-News.am
Մյուս մարզերում գետերի մակարդակի բարձրացման վերաբերյալ ահազանգեր չեն ստացվել
Տավուշում ոչ մի գազատար չի կառուցվել, նման գործընթաց չկա. մարզպետ
Ուկրաինացի բժիշկները ռազմագերիների վիրահատություններ են կատարել առանց անզգայացման
Հայ-վրացական գազատարը Հայաստանի խնդրանքով կտեղափոխվի
Իրանում պատերազմը Հնդկաստանին կանգնեցրել է գազային ճգնաժամի առաջ
Հանդիպել են գերությունից վերադարձած Վագիֆ Խաչատրյանը և Գևորգ Սուջյանը
Ազգային ժողովը շարունակում է իր քառօրյա նիստերի աշխատանքը (տեսանյութ)
Ռուսաստանում առաջարկել են ընդլայնել ռազմական գործողությունների գոտին՝ ներառելով ՆԱՏՕ-ի երկրները
Իրանը 100 հրթիռ է արձակել ամերիկյան շատ կարևոր օբյեկտի ուղղությամբ. Թրամփ
Պուտինն ապրիլի 1-ից արգելել է Ռուսաստանից դեպի ԵԱՏՄ երկրներ 100 հազար դոլարից ավելի կանխիկ գումարի ա...