Ինչո՞ւ Մամեդյարովին չի պատասխանում ՀՀ ԱԳ նախարարը
Ադրբեջանի ԱԳ նախարար Էլմար Մամեդյարովը այսօր մի շարք հայտարարություններ է արել Արցախի խնդրի կարգավորման վերաբերյալ, մասնավորապես, անդրադառնալով նաեւ կարգավիճակի հարցին:
Նա ասել է, թե Ադրեջանը պատրաստ է ապահովել Արցախի ժողովրդի անվտանգությունն ու Լեռնային Ղարաբաղին տրամադրել լայն ինքնակառավարման հնարավորություն:
Բնականաբար, լինելով Ադրբեջանի ԱԳ նախարար նա պետք է նմանատիպ հայտարարություններ անի ինչպես ներքին, այնպես էլ արտաքին լսարանների համար: Զարմանալին եւ տարօրինակն այն է, որ դանդաղկոտություն է ցուցաբերում Հայաստանի ԱԳ նախարարությունը:
Արցախի նախագահի մամուլի խոսնակն արդեն բավական համարժեք պատասխան տվել է Մամեդյարովին, բայց կարծում ենք, պետք է իր տեսակետն արտահայտի նաեւ ՀՀ ԱԳ նախարարությունը, եւ ինչու չէ՝ հենց նախարարի մակարդակով:
Հուշենք նախարարությանը, որ ընդամենը պետք է հիշեցնել ապրիլյան մարտական գործողությունները, իսկ ավելի կոնկրետ Թալիշ սողոսկած ադրբեջանցի դիվերսանտների անմարդկային արարքներն անպաշտպան ծերունեների նկատմամբ, մարտունեցի դպրոցականի սպանությունը: Բնականաբար, ընդամենն այս մեկ օրինակը պարզ է, որ միջազգային հանրությունը եւ հենց ադրբեջանցիները հասկանան, որ Ադրբեջանը չի կարող եւ չպետք է ապահովի Արցախի եւ արցախցիների անվտանգությունը:
ՀՀԿ փոխնախագահ Արմեն Աշոտյանը ֆեյսբուքյան իր էջում անդրադարձել է Ադրբեջանի կողմից Ղարաբաղի մասին արված հերթական հայտարարությանը:
Հայաստանի ԱԳ նախարարության դանդաղկոտությունն այս դեպքում լուրջ մտահոգություն է պատճառում: ԱԳ նախարարությունը պարտավոր է շատ հստակ նշել, որ որեւէ համաձայնություն չի կարող կայացվել առանց արցախցիների ինքնորոշման իրավունքի իրացման:
Հակոբ Ասատրյան
Top-News.am
Եվրամիությունը չի հասկանում Իրանում պատերազմի նպատակները. Կալաս
Լարիջանիի սպանությունից հետո Իրանը կասետային ռումբերով հարվածել է Թել Ավիվին
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Ղարաբաղից տեղահանվածները պետք է կապեն իրենց ապագան Հայաստանի հետ
Մարմնամարզության տղամարդկանց հավաքականը տուն է վերադառնում
Ստեփանծմինդա-Լարս ավտոճանապարհը փակ է
Պետական արգելոցի ֆոտոթակարդները կրկին նկարահանել են կովկասյան ընձառյուծին
Արսեն Զախարյանի տրանսֆերային արժեքն աճել է
Լոնդոնից գնված հայկական եկեղեցու փեղկն ու Արշիլ Գորկու գրաֆիկական աշխատանքն առաջիկա օրերին կցուցադրվ...