Թրամփն առաջարկել է կրճատել օտար պետություններին տրամադրվող ֆինանսական օգնության չափը
Միացյալ Նահանգների նախագահ Դոնալդ Թրամփն առաջարկել է 28%-ով կրճատել ամեն տարի ԱՄՆ կողմից այլ պետություններին տրամադրվող ֆինանսական օգնության չափը: Բացի այդ, 70-ամյա հանրապետականն առաջարկել է կրճատել ՄԱԿ-ին, կլիմայական փոփոխությունների դեմ պայքարին ուղղված ու մշակութային փոխանակման ծրագրերի ֆինանսավորումը:
Ինչպես նշում է Reuters-ը, միևնույն ժամանակ Թրամփը չի կրճատել անվտանգության ապահովման նպատակով Իսրայելին հատկացվող ֆինանսական օգնության չափը՝ 3.1 մլրդ դոլար:
Աղբյուրը նկատում է, որ Թրամփի առաջարկը կարող է ոչ միանշանակ ընդունվել Կոնգրեսում: Չի բացառվում, որ ԱՄՆ պետդեպին և Միջազգային զարգացման գործակալությանը (USAID) տրամադրվող գումարների ծավալի կրճատմանը վերաբերող առաջարկի որոշ կետեր կմերժվեն կոնգրեսականների կողմից: Մինչդեռ Պետդեպն ու USAID-ն այդ ֆինանսավորման միջոցով աշխարհում պայքարում են աղքատության դեմ, իրականացնում են կարևոր առողջապահական, մշակութային ծրագրեր, պայքարում են մարդու իրավունքների համար:
Ընդհանուր առմամբ, Սպիտակ տունն առաջարկում է Պետդեպին ու USAID-ին միասին 25.6 մլրդ դոլար հատկացնել, ինչը 28%-ով քիչ է անցած տարվա ցուցանիշից:
«Եկել է ամերիկացիների անվտանգությունն ու բարեկեցությունն առաջին տեղում դնելու և մյուսներին մի քայլ հետ կանգնել խնդրելու ժամանակը»,-մեկնաբանել է Թրամփն իր որոշումը:
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Հօգուտ Դիլիջան համայնքի կբռնագանձվի 2 միլիոն 970 հազար դրամ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր
Մեծ Պահք․ Ավագ Ուրբաթ