Արմեն Հովհաննիսյան. «Ամեն ինչ արվում է, որ իշխանությունից դժգոհները չգնան ընտրությունների»
«Ազատ միտք և ազատ խոսք» հասարակական կազմակերպության նախաձեռնած՝ «Արտահերթ ընտրությունների ազդեցությունը Հայաստանի քաղաքական կյանքի վրա» քննարկման ժամանակ լրագրող Արմեն Հովհաննիսյանը նշեց, որ քաղաքական ապագա կունենա այն խմբավորումը, որը կկարողանա ներկայիս ընդունված «ճշմարտությանը» ադեկվատ այլընտրանք առաջարկել։
«Բոլոր քաղաքական խմբավորումները սնանկ դուրս եկան, քանի որ պատրաստ չէին պատասխանատվություն վերցնելու։ Իսկ ո՞րն է ՔՊ-ի առավելությունը մնացածից։ Իրենց մոտ այդ սնանկությունը ինստիտուցիոնալիզացվում է և ՔՊ-ն ներկայացվում է՝ որպես քաղաքական ուժ, որը չարից և բարուց այն կողմ ցանկացած աշխարհայացքային կամ սկզզբունքային հարցերից իրեն հետ է պահում, և դա ներկայացվում է՝ որպես իրենց առավելություն։ Եվ այս պատմական փուլում, որ կարող է շաբաթներ, ամիսներ, տարիներ տևել , դա իսկապես առավելություն է»,- ասաց Ա․ Հովհաննիսյանը։
Խոսելով ազատ և արդար ընտրությունների անցկացման մասին՝ Արմեն Հովհաննիսյանը նշեց, որ մթնոլորտը նույնիսկ ֆորմալ տեսակետից ազատ և արդար չէ․ «Այս ժամանակահատվածում, նաև արհեստականորեն ձևավորված այս հանրային մթնոլորտում, առավել ևս մի օրենքով, որը գրված է մեկ քաղաքական ուժի դոմինացիան պահպանելու և հաստատելու համար, անցկացնել արդար ընտրություններ, չեմ կարծում՝ հնարավոր է։ Ես հավատում եմ, որ դրանք ազատ կլինեն․ ոչ մեկին չեն ծեծի ու ձերբակալի, բայց ՏԻՄ ընտրությունները ցույց տվեցին, որ ամեն ինչ արվում է, որ մարդիկ, ովքեր դժգոհ են իշխող խմբավորումից, չգնան ընտրությունների։ Կապանում մասնակցությունը բավական բարձր էր՝ 55 տոկոս, և իշխանությունը պարտվեց։ Հոգեբանորեն ներարկվում է գաղափարը՝ եթե դժգոհ ես, նստի տանը։ Բայց ես կարծում եմ, որ դա ժամանակավոր էֆեկտ է ունենալու»։
Աննա Բաղդասարյան
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...