Ռազմիկ Մարտիրոսյան. «Սխալվելու հավանականությունը մեծ է, քանի դեռ...» (Տեսանյութ)
«Ազատ միտք և ազատ խոսք» հասարակական կազմակերպության նախաձեռնած՝ «Արտահերթ ընտրությունների ազդեցությունը Հայաստանի քաղաքական կյանքի վրա» թեմայով քննարկման ժամանակ ՀՀ սոցապ նախկին նախարար Ռազմիկ Մարտիրոսյանը հետաքրքիր սոցիոլոգիական դիտարկումներով հանդես եկավ՝ փաստելով, որ քանի դեռ հասարակությունն անկեղծորեն չի առնչվել իր անցյալի՝ նախորդ 30 տարիների պատմության հետ, չի կարողացել ինքնաքննադատաբար հասկանալ, թե ի՞նչ է տեղի ունեցել անցած 30 տարիներում և ինչո՞ւ է այս օրն այսպիսին, ապա սխալվելու հավանականությունը միշտ մեծ է լինելու։ Ըստ բանախոսի, այս բանաձևը գործում է և՛ անձի մակարդակում, և՛ հասարակության։
«2017 թվականի ապրիլյան ընտրությունները իրավական առումով լավագույնն էին․ դա այն եզակի ընտրություններից մեկն էր, որ հանձնաժողովականների մակարդակում որևէ դժգոհություն և բողոքներ չեղան։ Սոցիոլոգիական առումով , սակայն, տեղի ունեցավ առևտրային գործարք։ 2017 թ․ ապրիլյան ընտրություններում ձևավորվել էր, այսպես կոչված, «քվեների սև շուկա» և ովքեր ի վիճակի էին, կարող էին գնել այդ ձայները։ Այսինքն, սոցիալական մի շերտ իր ձայնը որպես ապրանք էր դիտում։ Ցավոք, այդ սոցիալական շերտը նաև այսօր է պահպանվում և, կարծում եմ, առաջիկա ընտրություններում մի ստվար սոցիալական շերտ պարզապես չի գնա ընտրության, քանի որ ենթադրում է, որ դրա համար պետք է վճարվի։ Այդ շերտը չէր էլ պատկերացնում, որ դա օրինախախտում է։ Ի՞նչ արդյունքի հասանք․ այդ ռեյտինգային համակարգի միջոցով այդ ընտրություններում, կարծեք թե, Հայաստանում արմատավորվեց, պայմանական ասած՝ «լորդերի հակակարգեր», երբ ամեն մի ընտրատարածքում այդ ռեյտինգավորը ձեռք բերեց որոշակի ազդեցություն՝ մասնավորապես իրենց էր վերապահված կադրային քաղաքականությունը՝ այդ թվում և ուժային մարմինների, իրենց էր վերապահված համայնքային ղեկավարների նշանակումը։ Այս առումով, իշխանությունը հասավ կառավարելիության կատարելության»։
Ռազմիկ Մարտիրոսյանի խոսքով՝ մինչև հեղափոխությունն արդեն տեսանելի էր, որ հայ հասարակությունն ունի մեռնող հասարակություններին բնորոշ չարություն․ «Չարության դոզան այնքան էր մեծացել հասարակության մեջ, որ տանում էր մահացման։ Խոսքը ազգի մասին չէ, այլ հասարակության»։
Անդրադառնալով վերջին տարվա իրադարձություններին՝ 2018 թվականի ապրիլյան շարժմամբ՝ հասարակությունը չեղարկեց 2017 թվականի ԱԺ ընտրությունների արդյունքները, սակայն այդ շարժումը չբերեց կառուցվածքային համակարգի ձևավորման, այլ մնաց անձնային մակարդակում։
Մանրամասները Hayeli.am-ի տեսանյութում
Աննա Բաղդասարյան
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...