Le Figaro․ Արեւելյան Եվրոպայի ըմբոստությունը Բրյուսելի թելադրանքի դեմ
Անցած եվրոպական գագաթնաժողովը խորացրեց տարաձայնությունները Եվրոպայի արեւելյան ու արեւմտյան մասերի միջեւ, գրում է Le Figaro–ն։
«Ըստ էության այն պետք է ապահովեր եվրոպացիների միասնականության վերականգնումը, որը «բրեքսիթից» հետո ենթարկվում էր կենտրոնախույս ուժերի ազդեցությանը։ Սակայն մարտի 10-ին անցկացված եվրոպական գագաթնաժողովը, հակառակը, ուժեղացրել է տարաձայնությունը մայրցամաքի արեւելքի ու արեւմուտքի միջեւ։ Բրյուսելը, որն արդեն իսկ Մեծ Բրիտանիայի դուրս դալով զրկվել է իր արեւմտյան ֆլանգի ազդեցիկ մասից, հիմա ականատես է դառնում, թե ինչպես է հրդեհ բռնկվում Եվրոպայի արեւելյան մասում»,- ասվում է հոդվածում։
Եվրոպան ըստ զարգացման «տարբեր արագությունների» բաժանելու առաջարկը , որը նախօրեին արել էին Ֆրանսիան, Գերմանիան, Իտալիան ու Իսպանիան, հունից հանել էր Արեւելյան Եվրոպայի երկրներին ու նրանք կորցրել են զսպվածությունը։ Նրանք իրենց զգացել են «վտարանդիներ», որոնց թույլ չեն տալիս մանսակցել կարեւոր որոշումների կայացմանը, ինչը հիմա հիմնադիր երկրների արտոնությունն է։ Այսուհետ նրանք կդառնան երկրորդական անդամներ, որոնց դուրս են մղել արեւմտյան պետությունները։ «50-ականների Եվրոպան վերականգնելու այդ փորձը մեզ անտեղի կարոտախտ է թվում»,- հայտնել է Եվրախորհրդարանի անդամ, Հունգարիայի ներկայացուցիչ Դյորդ Շյոպֆլինը։
Արեւելքի երկրները դիմակայում են Եվրոպայի միգրացիոն հոսքերին, բողոքում են միգրանտների առջեւ սահմանները բացելու դեմ, որն աջակցում է Գերմանիան ու քվոտաների դեմ, որոնք ուզում է նրանց պարտադրել Բրյուսելը։ «Գերմանիան, Ֆրանսիան, Շվեդիան որոշել են բացել իրենց դռները ու դառնալ բազմամշակույթ հասարակություններ։ Դա նրանց ընտրությունն է։ Այդ երկրները ազատ են՝ անել ինչ ուզում են իրենց տանը։ Բայց Հունգարիան չի ուզում դառնալ բազմամշակույթ։ Նա չի ուզում ապրել Ֆրանսիայի ու Գերմանիայի նման։ Բավակա՛ն է մեզ մոտ առաջացնեք մեղքի զգացում»,- ասել է Դյորդ Շյոպֆլինը՝ դիմելով Մեծ Եվրոպայի ակումբին։
«Տարակարծություններ կան նաեւ տնտեսության վերաբերյալ տեսակետներում։ Արեւելքի երկրները դեմ են երկակի ստանդարտների քաղաքականությանը, որը վարում են արեւմտյան ձեռնարկությունները Արեւելքի նկատմամբ։ «Բրեքսիթը» խորացրել է քողարկված դժգոհությունը, որը կար մայրցամաքի երկու մասերի միջեւ։ Դա պայմանավորված է նրանով, որ Մեծ Բրիտանիայի դուրս գալով արեւելյան Եվրոպայի երկրները զրկում են ԵՄ կենտրոնամետության ու եվրագոտու գերիշխանության դեմ պայքարում իրենց լավագույն դաշնակցից։ Այսօր նրանք վախենում են, որ Բրյուսելի թելադրանքը կփոխարինի Մոսկվայի թելադրանքը»,- կարծում է հեղինակը։
Փարիզի, Բեռլինի ու Բրյուսելի հետ արևելյան եվրոպական երկրների տարաձայնությունները կարծես դեռ երբեք այդքան խորը չեն եղել։ «Երբ մենք վիճում էինք կոշտ խնայողության քաղաքականության մասին, մեզ հակաեվոպացիներ էին կոչում։ Դա ի՞նչ Եվրոպա է, որտեղ նրանք, ովքեր համաձայն չեն գերիշխող դիրքորոշմանը, գնահատվում են որպես վատ եվրոպացիներ։ Ես զղջում եմ, որ միավորվելու ու աննախադեպ մարտահրավերների դեմ համախմբվելու փոխարեն եվրոպական երկրները իրենց ուժերը վատնում են մեկը մյուսի համար նոր փոսեր փորելու ու իրենց տարաձայնությունները խորացնելու վրա»,- մեկնաբանում է Պետր Դրուլակը, Չեխիայի դեսպանը Փարիզում։ Նրա վստահեցումով, ԵՄ անդամ երկրները հենց իրենք են կրակի մեջ յուղ լցնում, այլ ոչ թե Վլադիմիր Պուտինը։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
Մեծ Պահք․ Ավագ Ուրբաթ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր