Կառավարությունն իր վերաբերմունքն արտահայտեց Հայ Առաքելական Եկեղեցու նկատմամբ
Մինչ Ամենայն Հայոց Կաթողիկոս Գարեգին Բ-ն հանդիպումներ է ունենում Վատիկանում, այդ թվում Հռոմի պապ Ֆրանցիսկոսի հետ, Հայաստանի կառավարությունը՝ Նիկոլ Փաշինյանի գլխավորությամբ իրենց հստակ վերաբերմունքն արտահայտեցին Հայ Առաքելական Եկեղեցու նկատմամբ:
Դեռեւս սեպտեմբերին ԱԺ ՀՀԿ-ական պատգամավոր Միհրան Հակոբյանը հանդես էր եկել օրենսդրական նախաձեռնությամբ եւ առաջարկել օրենքում կատարել համապատասխան փոփոխություն, եւ Ամենայն Հայոց Կաթողիկոսին տրամադրել պետական պահպանություն` նրա կաթողիկոսական ձեռնադրման պահից մինչեւ գահակալության ավարտը:
Կառավարությունը, սակայն, այս նախագծին տվեց բացասական եզրակացություն՝ «Հատուկ պետական պաշտպանության ենթակա անձանց անվտանգության ապահովման մասին» Հայաստանի Հանրապետության օրենքը թողնելով անփոփոխ:
Ոմանք պնդում են, թե կառավարությունը ճիշտ որոշում է կայացրել, քանի որ Կաթողիկոսը պետական պաշտոնյա չէ, ոմանք էլ ասում են, թե Հռոմի պապի հետ Կաթողիկոսին մի համեմատեք, քանի որ նա պետության առաջնորդ է, իսկ մեր Կաթողիկոսը՝ ոչ:
Ստացվում է, որ եթե Էջմիածինը Վատիկանի նման անկախ պետություն չէ, ապա Կաթողիկոսը չի կարող օրենքով սահմանված պետական պահպանություն ունենալ: Տարօրինակ տրմաբանություն, բայց այստեղ կարեւոր էր գործող կառավարության վերաբերմունքը Հայ Առաքելական Եկեղեցու նկատմամբ:
Կարծիքներ են հնչում, թե ինչու հանկարծ որոշ պատգամավորներ հիմա հիշեցին, որ Կաթողիկոսին պետք է պետական պահպանություն տրվի: Իհարկե, կոպիտ բացթողում է, որ օրենքում այս հարցը չի կարգավորվում, բայց չմոռանանք, որ մինչ, այսպես կոչված, հեղափոխությունը, «ակտիվիստները» չէին հարձակվում Կաթողիկոսի վրա եւ չէին փորձում գրավել Մայր աթոռը:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...