Հոգեւոր մայրաքաղաքի աթեիստ քաղաքապետը եւ ընտրողների վրա ազդողները
«Կապանի քաղաքապետի ընտրություններում ՔՊ թեկնածուն չի հաղթել, որովհետև Սյունիքում անցյալից դեռևս պահպանվող քրեական, քաղաքական եւ տնտեսական էլիտան կարողացել է ազդել ընտրողների վրա»,- այս մասին հոկտեմբերի 24-ին հայտարարել է վարչապետի պաշտոնակատար Նիկոլ Փաշինյանը:
Նույն Նիկոլ Փաշինյանը քիչ անց հայտարարել է, թե Հայաստանում իշխանությունները չեն միջամտելու ընտրությունների ընթացքին: Հիմա հարց, եթե Փաշինյանի վերոհիշյալ հայտարարությունը միջամտություն չէ ընտրություններին, այն էլ տեղական ինքնակառավարման մարմինների ընտրություններին, ապա ի՞նչ է:
Նա արդեն իսկ Կապանի նորընտիր քաղաքապետին պիտակավորեց, որպես քրեական տարրերի ներկայացուցիչ՝ դրանից բխող բոլոր հետեւանքներով: Դժվար չէ պատկերացնել, թե ինչ բարոյահգեբանական մթնոլորտում է ստիպված լինելու աշխատել Կապանի նորընտիր քաղաքապետը:
Եթե վարչապետի պաշտոնակատարը Կապանի քաղաքապետին որակում է որպես քրեական, քաղաքական եւ տնտեսական էլիտայի դրածո, ապա այդ դեպքում Հայաստանի հոգեւոր մայրաքաղաքում ո՞վ է ազդել ընտրողների վրա, որոնք որոշեցին քաղաքապետ դարձնել անհավատ, դրանով հպարտացող, ռաբիզի սիրահար մի անհայտ աղջկա, որն իր հաղթանակը նշում է ադրբեջանական երաժշտության ներքո, ինչ է, թե իր շեֆը պարել է հենց այդ նույն երգի երաժշտության տակ:
Իսկ Հրազդանում ո՞ւմ ազդեցության տակ էին ընտրողները, որոնք որոշեցին քաղաքը վստահել կառավարող կուսակցության անդամ, պատգամավոր Սասուն Միքայելյանի 24, թե 25 տարեկան տղային:
Ո՞վ ազդեց ընտրողների վրա Լուսաձորում, որ գյուղը հանձնեցին անասնագողին: Հարցեր են, որոնց պատասխանը պետք է մի օր տրվի, հակառակ դեպքում հարցերը միայն շատանալու են:
Հակոբ Ասատրյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...