ԿՀՎ-ն փորձել է շտապ գնահատել ու սահմանափակել WikiLeaks–ի հրապարակումների վնասները
ԿՀՎ-ն փորձել է շտապ գնահատել ու սահմանափակել WikiLeaks–ի հրապարակած հազարավոր փաստաթղթերի վնասը՝ դադարեցնելով որոշ նախագծեր։ Միաժամանակ ՀԴԲ-ն սկսել է որոնել նրանց, ովքեր պատասխանատու են արտահոսքի համար, հայտնում է The New York Times–ը։
«Քննիչները վստահեցնում են, որ արտահոսքը ոչ թե թշնամական տերության՝ օրինակ Ռուսաստանի կազմակերպածն է եղել, այլ որեւէ դժգոհ ինսայդերի։ ՀԴԲ-ն պատրաստվում է հարցաքննել բոլոր նրանց, ովքեր մուտք են ունեցել այդ տեղեկություններին, իսկ դրանք առնվազն մի քանի հարյուր կամ գուցե հազար մարդիկ են»,- ասվում է հոդվածում։
Հետախուզության աշխատակիցներից մեկի խոսքով, տեղեկությունները, որոնց մեծ մասը կարծես տեխնիկական փաստաթղթեր են, հնարավոր է արտահոսել են ԿՀՎ-ից դուրս գտնվող սերվերից, որը կառավարում են կապալառուները։ Սակայն ոչ նա, ոչ հետախուզության նախկին բարձրաստիճան աշխատակիցը չեն բացառում, որ արտահոսքի մեղավորը ԿՀՎ աշխատակից է եղել», գրում են հեղինակները ։
«Եթե հավատանք նրանց փաստաթղթերը թույլ են տալիս ենթադրել, որ ամերիկացի լրտեսները մշակել են հաքերային ծրագրային միջոցներ, որոնք կարող են կոտրել գրեթե յուրաքանչյուր սարք, որը համացանցի մուտք ունի՝ սմարթֆոններ, համակարգիչներ, հեռուստացույցներ, ու նույնիսկ Apple–ի ու Android–ով աշխատող սարքերը։ Բայց արդյոք ԿՀՎ-ին հաջողվել է ոչ միայն ստեղծել, այլ կիրառել դրանք լրտեսության համար՝ պարզ կդառնա ավելի ուշ»,- գրում է պարբերականը։
«Որոշ տեխնիկական փորձագետներ նշել են, որ չնայած փաստաթղթերը թույլ են տալիս ենթադրել, որ ԿՀՎ-ն գուցեեւ կարողացել է կոտրել առանձին սմարթֆոններ, բայց չկան տվյալներ այն մասին, որ գործակալությունը կարողացել է կոտրել կրիպտոգրաֆիական պաշտպանությունը, որը օգտագործվում է հեռախոսների ու մեսենջերների շատ հավելվածներում»,- ասվում է հոդվածում։
«Իրականում փաստաթղթերը վկայում են այն մասին, որ պաշտպանության պատճառով գործակալությունը ստիպված է եղել կոտրել կոնկրետ հեռախոս ու հետո որսալ միայն դրա մեջ մտնող ու դուրս եկող զանգերն ու հաղորդագրությունները։ Այսինքն մեծ «որսի» համար ցանց գցելու փոխարեն, ԿՀՎ լրտեսները, ըստ էության նետում են մեկ ձկնորսական կարթ, որը որոշակի նպատակի համար է նախատեսված ու չեն փորձում այդ կարթով որսալ երկրի ամբողջ բնակչությանը»,- դատում են հեղինակները։
Բայց երկրի հակահետախուզության նախկին ղեկավար Ջոել Բրենների խոսքով «արտահոսքը մեծ նշանակություն ունի», քանի որ այն կարող է օգնել մյուս երկրներին, որոնք փորձում են էլեկտրոնային լրտեսության ոլորտում առաջ անցնել ԱՄՆ-ից, Ռուսաստանից, Չինաստանից ու Իսրայելից։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
Մեծ Պահք․ Ավագ Ուրբաթ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր