Ռոբերտ Քոչարյանը մտադիր է նոր կուսակցություն ստեղծել

Հայաստանի Հանրապետության երկրորդ նախագահ Ռոբերտ Քոչարյանը հարցազրույց է տվել ռուսական «РИА Новости» գործակալությանը, որում խոսել է նաև իր՝ նոր կուսակցություն ստեղծելու ծրագրերի մասին:

«Եթե վերադառնում ես քաղաքականություն՝ պետք է մտածես այդ մասին»,- ասել է Քոչարյանը՝ ի պատասխան լրագրողի այն հարցին, թե չի՞ պատրաստվում արդյոք հիմնել իր կուսակցությունը:

Դեկտեմբերին սպասվող արտահերթ խորհրդարանական ընտրություններին, սակայն, երկրորդ նախագահն իր ստեղծվելիք նոր քաղաքական ուժով մասնակցել չի հասցնի:

«Ես եղել եմ անկուսակցական: Դա նշանակում է, որ ես պետք է ստեղծեմ կուսակություն զրոյից, այլ ոչ թե վերականգնեմ այն, ինչ մի ժամանակ եղել է: Ընդ որում՝ ես կցանկանայի մասնակցել ընտրություններին նոր, թարմացված թիմով», - ասել է երկրորդ նախագահը:

Նրա խոսքով՝ կուսակցության անունն իր համար սկզբունքային չէ: Առավել սկզբունքային են մոտեցումները: Քոչարյանը նշել է, որ ներկայում լուրջ «վակուում» է նկատում Հայաստանի ընդդիմադիր դաշտում, և այն պետք է անպայման «լցնել»՝ ելնելով երկրի շահերից:

Նա հավաստիացրել է, որ ձգտում չունի որևէ պաշտոն զբաղեցնելու՝ նշելով, որ եթե նման ցանկություն ունենար, ապա 10 տարի շարունակ չէր ապրի մասնավոր կյանքով:

Այս թեմայով «Եթե ես հանդիպեմ քեզ հետ, Նիկոլ Փաշինյանն ինձ կուտի»․ Արայիկ Հարությունյանը հրաժարվել է հանդիպել Քոչարյանին Նոյեմբերի 9-ի փաստաթղթով հնարավոր էր պահել Արցախը․ Քոչարյան Այս խայտառակ իրավիճակից միակ ելքը իշխանափոխությունն է, այլապես՝ արագ գլորվում ենք դեպի տոտալ բռնապետություն. Ռոբերտ Քոչարյան Այս անգամ էլ՝ ավելի քան 5 մլն դիտում. Ռոբերտ Քոչարյանի հրապարակային խոսքի դիտումները շեշտակի աճել են Փաշինյանը հանկարծ կարող է SMS ուղարկի, ասի՝ այ ուսապարկ, գործդ տարա, դու այդտեղ վեր ես ընկել, ինչի՞ համար. Քոչարյան