Դավիթ Սանասարյանը շտապեց Մարալիկ եւ յուրօրինակ աջակցություն հայտնեց բռնության հեղինակներին
ՀՀ պետական վերահսկողության ծառայությունը ստուգումներ կիրականացնի Մարալիկի քաղաքապետարանում: Այս մասին ֆեյսբուքի ուղիղ եթերում հայտարարեց ՀՀ պետական վերահսկողության ծառայության պետ Դավիթ Սանասարյանը:
«Քանի որ Մարալիկի մեր հայրենակիցները բողոքի ակցիաներ են անցկացնում, դիմել են մեզ, որպեսզի վերահսկողության ծառայությունը ստուգումներ իրականացնի Մարալիկում, մենք հիմա մեկնում ենք Մարալիկ»,- ասաց Սանասարյանը:
Հատուկ ընդգծենք, որ խոսքը ընդամենը 15-20 հոգու մասին է, որը հաջողացրել է գրավել քաղաքապետարանի շենքը եւ կազմալուծել աշխատանքը: Հավելենք նաեւ, որ երեկ Մարալիկի մեկ տասնյակից ավելի երիտասարդներ հարձակվել էին «Ադեկվադ» ֆեյսբուքյան հաղորդման հեղինակներ Նարեկ Մալյանի, Արթուր Դանիելյանի և նրանց օպերատորի վրա:
Ահա այսպես են իշխանություններն արձագանքում բռնությանը: Փաստորեն, մի քանի հոգանոց խումբը իր կամքն է պարտադրում մի ամբողջ պետական համակարգի:
Ավելի ուշ Դավիթ Սանասարյանը ֆեյսբուքի ուղիղ եթերում ներկայացրեց Մարալիկի քաղաքապետարանի դիմաց բնակիչների հետ հանդիպումը: Հանդիպման ընթացքում նա հակիրճ ներկայացրեց իրենց քայլերը: «Մենք հիմա սպասում ենք, որ Մարալիկի քաղաքապետը, քաղաքապետարանի անձնակազմը գան այստեղ: Ձեզ պետք է խնդրեմ, որ թողեք՝ նրանք գան, հանգիստ ներս մտնեն: Մեր աշխատակիցները ներսում կլինեն, ես կգամ, ձեզ հետ կշփվեմ, իրենք էլ իրենց գործը կանեն»,- նշեց Սանասարյանը:
Իշխանությունները, փոխանակ ապահովեն համայնքապետարանի նորմալ աշխատանքը, պատժեն շենքը շրջափակողներին, հիմա էլ միանում է նրանց եւ դեսանտ իջեցնում, այս անգամ ստուգողների տեսքով:
Վարդան Մխիթարյան
Top-News.am
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...