«Ընդամենը դեմոկրատական ավտորիտարիզմը փոխարինվեց հեղափոխական ավտորիտարիզմով»․ Ռազմիկ Մարտիրոսյան
Ազգային Ժողովի արտահերթ ընտրությունների անցկացումը դարձել է հասարակության քնարկման թիվ մեկ թեման։ «Ազատ միտք և ազատ խոսք» հասարակական կազմակերպության կազմակերպած քննարկմանը հավաքված մասնագետները ևս քննարկեցին այս խնդիրը։
Ինչպես նկատեց ՀՀ նախկին սոցապնախարար, սոցիոլոգ Ռազմիկ Մարտիրոսյանը, եթե մարդկանց առաջնորդում է ոչ թե նեղ անձնական, այլ հասարակական, պետական շահը, ապա չեն կարող լուծումներ չգտնվել։
Գործիչը, ներկայացնելով իր վերլուծությունը, մասնավորապես նշեց․ «Հասկանալու համար, թե ինչ է այժմ կատարվում Հայաստանում, մենք պետք է հասկանանք վերջին 30 տարիների վերլուծությունը՝ հասարակական գիտակցության մակարդակում։ Եթե մենք՝ որպես հասարակություն, կարողանանք պատասխանել, թե ինչո՞ւ եղավ 88-ի հրաշալի շարժումը, ինչպե՞ս կարողացանք համախմբվել և Ղարաբաղի խնդիրը լուծել, սակայն ցավոք մեր պետության ներքին հարցերում չկարողացանք հասնել գոնե ընդունելի վիճակի և որո՞նք են դրա հիմնավոր պատճառները, ապա կարևոր քայլ արած կլինենք։ Վերջին 20 տարին կարելի է ընդհանրացնել՝ որպես դեմոկրատ-ավտորիտարիզմի ժամանակաշրջան։ Սա ունի իր բացատրությունը։ Այսինքն, իշխանությունը հիմնված էր անձի վրա, բայց իրեն փաթեթավորել էր դեմոկրատիայով։ Դրա տակ մտնում էին և՛ կադրային, և՛ տնտեսական, և՛ կրթական քաղաքականությունը։ Ըստ որում, խոսքը չի վերաբերում միայն մեկ անձի, դա համակարգային էր։ Նոր շարժման հաղթանակի արդյունքում, ընդամենը դեմոկրատական ավտորիտարիզմը փոխարինվեց հեղափոխական ավտորիտարիզմով։ Այս շարժումը բերեց ընդամենը մեկ անձ, իսկ եթե համեմատում ենք Ղարաբաղյան շարժման հետ, ապա տեսնում ենք, որ այդ շարժումը բերեց կոլեգիալ մարմինը»։
Ռազմիկ Մարտիրոսյանը նկատեց նաև, որ մենք 30 տարի շարունակ մարդկանց կերակրել ենք գաղափարով, որ բավական է իշխանափոխություն լինի և բոլոր խնդիրները կլուծվեն։ Եվ հասարակության մեջ արմատացած է հենց այդ գաղափարը։
«Եթե որևէ իշխանություն հիմնված չէ գաղափարախոսության վրա, նա շարժվելու է իրավիճակային լուծումներով, իսկ իրավիճակային լուծումները լինում են ըստ նպատակահարմարության։ Փաշինյանի իշխանությունը գնում է նպատակահարմարության ճանապարհով։ Այսինքն, մենք նորից վերադարձանք 90-ականների սկիզբ, երբ երկիրը պետք է շարժվի փորձարարական ճանապարհով։ Մենք հերթական փորձարարության մեջ ենք․ լա՞վ է սա, թե՞ վատ, ռիսկայի՞ն է, թե վտանգավոր․ սա փաստ է, սա իրավիճակ է»,- ասաց Ռ․ Մարտիրոսյանը՝ հավելելով, որ մեզանից յուրաքանչյուրից է կախված, թե մենք ինչպիսի արձագանք, ազդակ կտանք, որպեսզի կարողանանք հասարակության էներգիան ուղղորդել դեպի կառուցողական դաշտ՝ չլինելով իշխանության մեջ, չլինելով որևէ քաղաքական ուժ, այլ որպես մտահոգ, պատասխանատու քաղաքացի։
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...