«Սա էմոցիոնալ ընտրություն է»․ Ստեփան Մարգարյան
«Ազատ միտք և ազատ խոսք» հասարակական կազմակերպության նախաձեռնած «Արտահերթ ընտրություններ» թեմայով քննարկման ընթացքում ԱԺ նախկին պատգամավոր Ստեփան Մարգարյանն անդրադարձել է ներքաղաքական մի քանի հարցերի։
«Կարծում եմ ԱԺ արտահերթ ընտրությունները դեկտեմբերին կազմակերպելը շուտ է։ Ինչո՞ւ անպայման դեկտեմբերին։ Որևէ մեկն առ այսօր խելամիտ պարզաբանում չի տվել, թե ինչո՞ւ դեկտեմբերին։ Սա երկու բան կարող է նշանակել՝ կա՛մ ինչ որ բան մեզանից թաքցնում են կա՛մ սա հերթական էմոցիոնալ քայլն է»,- ասաց Ս․ Մարգարյանը։
Ըստ նրա՝ ոչ մի կուսակցություն դեկտեմբերին ընտրության գնալու պատրաստ չէ, ընդհուպ մինչև «Քաղաքացիական պայմանագիրը»։ Պատրաստ է միայն Նիկոլ Փաշինյան անձը։
«Ավելին՝ պատրաստ չէ նաև հասարակությունը, որտեղ գերիշխողը էմոցիաներն են։ Ընտրությունները լինելու է ոչ թե ապագայի, ինչ-որ ծրագրի, գաղափարի նկատմամբ ունեցած որևէ տեսլականի մրցույթ, այլ լինելու է ընդամենը էմոցիաների վրա հիմնված, «հեղափոխություն-հակահեղափոխություն» խաղի վրա հիմնված ընտրություններ, ինչը իմ կարծիքով վտանգավոր է։ Հասարակությունը պետք է իմանա, թե ինչո՞ւ է ընտրել այս կամ այն ուժին։ Սա էմոցիոնալ ընտրություն է, որը վտանգավոր է»- պարզաբանեց Ստեփան Մարգարյանը։
Բանախոսը նաև շեշտեց մի նուրբ կետ՝ «սա ժողովրդի հաղթանակն է» արտահայտության վերաբերյալ․ «Ասում են՝ ժողովուրդը հաղթել է։ Ժողովրդի հաղթանակ լինում է միայն այն ժամանակ, երբ այդ ժողովուրդը սկսում է լավ և ապահով ապրել։ Իշխանափոխությունը ժողովրդի հաղթանակը չէ, եթե ժողովուրդը սկսեց այդ փոփոխություններից հետո լավ ապրել, ապա դա իր հաղթանակն է»։
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...