Իսկ քանի տոկոս կհավաքեր Ստալինը 1937-ին
Այսօր շատերն են ուրախ, որ Երեւանի ավագանու ընտրություններում կառավարող ուժը հավաքել է ութսուն տոկոս ձայն: Այսօր շատերն են ասում, թե առանց հակակշիռների իշխանությունը որեւէ վտանգ չի պարունակում, քանի որ իշխանության գլխին բարի եւ սրտացավ մարդիկ են:
Այս ամենը չի կարող մտահոգել: Տարրական դասարանի աշակերտը տանը սպառնում է մորթել ծնողներին, որոնք քննադատում են Նիկոլ Փաշինյանին: «Ուսուցչուհին ասել է, որ նա մտածում է մեր բոլորի մասին եւ մեր բոլորի պաշտպանն է»,- ասել է ուսուցչուհին:
Ակամա հիշում ես ավագ սերնդի պատմությունները իրենց մանկության եւ պատանեկության տարիների մասին, երբ դպրոցահասակ երեխաներն իսկապես սիրում եւ պաշտում էին Իոսիֆ Ստալինին: Մենք մի անգամ արդեն անցել ենք սրա միջով: Երեխաները իրավապահ մարմիններին հայտնում էին մի քանի պարկ ալյուր կամ տախտակ պահող իրենց հոր մասին:
Իսկ ի՞նչ եք կարծում, եթե 1937-ին՝ հալածանքների գագաթնակետին եթե ԽՍՀՄ-ում արդար եւ ազատ ընտրություններ անցկացվեին քանի տոկոս կհավաքեր այն քաղաքական ուժը, որն ունենար Իոսիֆ Ստալինի աջակցությունը: Վստահ եղեք, հաստատ ութսուն տոկոսից պակաս ձայն չէին հավաքի: Եւ ի՞նչ, մի՞թե դա կհուշեր այն մասին, որ այն ամենն ինչ անում էին Ստալինի գլխավորությամբ՝ ճիշտ էր: Իհարկե՝ ոչ:
Գերմանիան եւս անցել է բացարձակ մեծամասնության իշխանության փուլը: Եւ հիմա աչք փակել պատմության դասերի վրա՝ առնվազն անխոհեմություն է: Ստալինի, Լենինի, Հիտլերի, Էրիկ Հոնեկերի, Ցեդենբալի, Տիտոյի, Պինոչետի, Մուսոլինիի մասին բազմաթիվ պատմություններ կան, որոնք վկայում են, որ նրանք կենցաղում բարի, ժպտադեմ, երեխայասեր մարդիկ են եղել, բայց ստանալով բացարձակ, առանց հակակշիռների իշխանություն, ակամա սկսել են բացասական դեր խաղալ իրենց ժողովուրդների եւ երկների համար:
Ցավոք, մենք չենք ցանկանում որեւէ հետեւություն անել, ցավով, մենք համառորեն չենք ցանկանում անգամ հետեւություն անել մեր իսկ պատմությունից: Վերջին հաշվով ժողովուրդը փողոց դուրս եկավ, քանի որ օգնել էր ՀՀԿ-ի անվերջ եւ արդեն ձանձրացնող իշխանությունից, առանց հակակշիռների իշխանությունից:
Մենք դեռ ժամանակ ունենք եւ մենք դեռ կարող ենք խուսափել հերթական կոպիտ, գուցե արդեն կործանարար սխալից: Ընդամենը պետք է մի կողմ նետել նեղ անձնական շահերը եւ ավելորդ հուզականությունը:
Հակոբ Ասատրյան
Top-News.am
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...