Շվեդիայում կբացվի Գարշելի կերակրի թանգարան
Աշխարհում առաջին՝ Գարշելի կերակրի թանգարանը հոկտեմբերի 31-ին կբացվի Շվեդիայի՝ մեծությամբ երրորդ քաղաքում՝ Մալմյոյում: Այդ մասին գրել է Independent թերթը՝ վկայակոչելով թանգարանն ստեղծող Սեմյուել Վեստին:
Նշվում է, որ թանգարանում կցուցադրվեն ամենից «ոչ միանշանակ» կերակրատեսակներն ամբողջ աշխարհից. շնաձկան նեխած մսից, որը նրբախորտիկ է Իսլանդիայում, մինչեւ հարավասիական դուրիան գարշահոտ միրգը, որը Սինգապուրում նույնիսկ արգելված է տեղափոխել հասարակական տրանսպորտով:
Որպես «ցուցանմուշներ» նաեւ կներկայացվեն շվեդական պահածոյացված թթու դրած ծովատառեխը, տապակած ծովախոզուկը Պերուից, Սարդինիայում ժողովրդականություն վայելող պանիրը՝ թրթուրներով եւ ցլի սեռական օրգաններով: Թանգարանն ստեղծող Սեմյուել Վեստը նաեւ Շվեդիայում, Կանադայում եւ ԱՄՆ-ում բացված Ձախողումների թանգարանի հիմնադիրն է:
Գարշելի կերակրի թանգարանի բոլոր «ցուցանմուշները» կպահվեն բժշկական փորձանոթներում՝ հոտի պահպանման համար, իսկ դրանց կեսն ամեն օր կփոխվի, ինչը, Վեստի խոսքով՝ թանգարանին ոչ քիչ ծախսեր կպատճառի: Հրատարակության տվյալներով՝ թանգարանը բաց կլինի ընդամենը երեք ամիս՝ մինչեւ 2019 թվականի հունվարի վերջը: Մուտքի տոմսի արժեքը կկազմի 185 շվեդական կրոն (շուրջ 20 ամերիկյան դոլար), երեխաների համար մուտքը կլինի անվճար, հաղորդել է ՌԻԱ Նովոստին:
Վիճակագրություն․ ի՞նչ փոփոխություններ է կրել ՀՀ ապրանքաշրջանառությունը տարբեր երկրների հետ
Հիտլերի ատրճանակը՝ 42 մլն դոլարով. «Երկրի վրա ամենաթանկարժեք զենքը» հայտնվել է աղմկահարույց դատական ...
4 մլրդ դոլարի ներդրում․ Հրազդանում բացվել է Firebird-ի ԱԲ կենտրոնը
Շիրակի մարզի որոշ հասցեներում գազ չի լինի
Հայաստանում ամառային հանգիստը որքանո՞վ է հասանելի միջին ընտանիքին
Արարատ Միրզոյանը հեռախոսազրույց է ունեցել Ուկրաինայի ԱԳ նախարարի հետ
Աբդոլլահին նշանակվել է Իրանի զինված ուժերի գլխավոր շտաբի պետ
Երիտասարդության միջազգային օրվա միջոցառումների ժամանակացույց
Վանաձորի մի շարք հասցեներում գազանջատումներ կլինեն
«Ուժեղ Հայաստանի» դեմքով Սերժ Սարգսյանը ներկայացված է ԱԺ դահլիճում. Տարոն Չախոյան