Նիկոլ Փաշինյանը հրաժարական կներկայացնի
ՀՀ վարչապետ Նիկոլ Փաշինյանը բողոքի ակցիայի ընթացքում հայտարարեց, որ ինքը առաջիկա օրերին հրաժարական կտա վարչապետի պաշտոնից և ներկայացրեց խորհրդարանական ընտրությունների անցնելու ընթացակարգը:
Վարչապետն ասաց, որ որպեսզի ԱԺ-ի ընդունած «Ազգային ժողովի կանոնակարգ» Հայաստանի Հանրապետության սահմանադրական օրենքում փոփոխություն կատարելու մասին նախագիծն ուժի մեջ մտնի, ապա 21 օրվա ընթացքում ՀՀ նախագահը պետք է ստորագրի այդ օրենքը կամ դիմի Սահմանադրական դատարան դրա սահմանադրականությունը վիճարկելու համար:
«Կարծում եմ, որ ինձ կլիազորեն, որ ես հիմա այստեղից դիմեմ ՀՀ նախագահ Արմեն Սարգսյանին, որպեսզի այդ օրենքը չստորագրի և դիմի ՍԴ: Ինչպես ենք մենք հասնելու արտահերթ խորհրդարանական ընտրություններին, որպեսզի ամեն ինչ լինի դե յուրե ճիշտ:
Ծրագիրը հետևյալն է. երբ նշված նախարարներին ու մարզպետներին աշխատանքից ազատելու մասին որոշումները դե յուրե կմտնեն ուժի մեջ, դրանից հետո, ես կոնկրետ օրը չեմ ասում, ես հրաժարական կտամ վարչապետի պաշտոնից»,- ասաց վարչապետը:
Նա ասաց, որ այդտեղ կարևոր նրբություն կա, նախ որպեսզի որևէ մեկը չմտածի, թե ինքը կառչած է ՀՀ վարչապետի պաշտոնից, և բացի դրանից, այդ կերպ հասնելու են արտահերթ խորհրդարանական ընտրությունների:
«Իմ հրաժարականից հետո 8-րդ օրը ԱԺ-ը պետք է ընտրի նոր վարչապետ, եթե այդ ընթացքում չընտրվի նոր վարչապետ, պետք է ևս յոթ օր ժամանակ անցնի, և 8-րդ օրն ընտրվի նոր վարչապետ, եթե ընտրեց, ուրեմն ընտրեց, իսկ եթե ոչ, իրավունքի ուժով ԱԺ-ը լուծարվում է, և տեղի են ունենում արտահերթ խորհրդարանական ընտրություններ»,- ասաց Փաշինյանը:
Նա հայտնեց, որ եթե պարզվի, որ ժողովուրդը կանգնած է հանուն արտահերթ ընտրությունների, ուրեմն իրենք ժողովրդի հետ թույլ չեն տա, որ խորհրդարանն ընտրի նոր վարչապետ. «Հետո եթե դուք ձեր վստահության քվեն տաք մեզ, ես էլի կընտրվեմ վարչապետ»:
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Հայաստանում կենսաթոշակառուների համար նոր հնարավորություններ են բացվում
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Թուրքիան արձագանքել է Իսրայելի կառավարության կողմից Հայոց ցեղասպանությունը ճանաչող բանաձևի հաստատման...