Տղամարդու սեռական օրգանը առեւտրի առարկա չէ. Ղազախստանի մուսուլմանների միություն

Ղազախստանի մուսուլմանների միությունը եւ Կենտրոնական Ասիայում Մարդու իրավունքների մուսուլմանական կոմիտեն փոխնակ մայրության մասին Ղազախստանի հոգեւոր վարչության արգելքին սեփական լրացումներն է ավելացրել, հայտնում է NUR.KZ–ը։

Հանձնարարականները վերաբերում են սեքսի ժամանակ ամուսինների շարժվելու արագությանը եւ վիբրատորներին։

«Տղամարդու սեռական օրգանը առեւտրի առարկա չէ, որը կարելի է վաճառել, վարձակալել, գրավ թողնել։ Այն չի կարելի օգտագործել որպես տակդիր, մահակ, սուլիչ օգտագործել»,– հայտնել են Ղազախստանի մուսուլմանների միությունից։

Հաղորդվում է նաեւ, որ կանացի սեռական օրգաններն արգելվում է օգտագորել որպես զարդատուփ, մկան թակարդ, սեյֆ եւ դրամապանակ։

Ընդ որում, ամուսիններին խորհուրդ չեն տալիս սեռական ակտի ժամանակ օգտվել վիբրատորներից, տրանսֆորմատորներից, ստիմուլյատորներից եւ երկարացուցիչներից։

Ղազախստանի մուսուլմանների միությունը կարծում է, որ տղամարդը պետք է բավարարվի սեռական օրգանի այն չափով եւ պոտենցիայով, որը նրան տրվել է ի ծնե։

Բացի այդ, սեքսի ժամանակ ամուսինները պետք է նույն դիրքն օգտագործեն։

«Սեքսի ժամանակ շարժման արագությունը չպետք է գերազանցի 3 մ/վրկ–ը, եթե ամուսինները բնակելի տարածքում են։ Դրանից դուրս արագությունը կարող է հասնել 5 մ/վրկ»,– ասել են Ղազախստանի մուսուլմանների միությունից։

Սեքսի ժամանակ արգելվում է սնունդ ուտել, գիրք կարդալ, աղոթել, հեռուստացույց դիտել, խոսել հեռախոսով, փռշտալ, հազալ, ազարտային խաղեր խաղալ, սրբել քիթը եւ արտաթորել։

NEWS.am