Հայաստանի սահմանամերձ գյուղերի գնդակոծումը Բաքվի ոչ կառուցողական գործողությունների անմիջական հետեւանքն է
Ադրբեջանական զինված ուժերի կողմից Հայաստանի սահմանամերձ գյուղերի գնդակոծումը Բաքվի ոչ կառուցողական գործողությունների անմիջական հետեւանքն է: Այս մասին հայտարարեց ԱԳՆ մամուլի քարտուղար Տիգրան Բալայանը` NEWS.am-ի խնդրանքով մեկնաբանելով հայկական խաղաղ բնակավայրերի նկատմամբ Ադրբեջանի կողմից ագրեսիայի հերթական դրսեւորումը:
«Սա Վիեննայում, Սանկտ-Պետերբուրգում եւ Ժնեւում կայացած հանդիպումներում ձեռք բերված պայմանավորվածություններից Ադրբեջանի հրաժարվելու անմիջական հետեւանքն է եւ կրկին ցույց է տալիս Ադրբեջանի ապակառուցողական մոտեցումը բանակցային գործընթացին եւ խաղաղություն պահպանման համար ստանձնած պարտավորություններին», - ընդգծեց Տիգրան Բալայանը:
ԱԳՆ մամուլի խոսնակն ասաց, որ պաշտոնական Երեւանը իրավիճակի մասին տեղեկացրել է ԵԱՀԿ գործող նախագահի անձնական ներկայացուցիչ Անջեյ Կասպշիկի գրասենյակին:
Ավելի վաղ հաղորդվել էր, երեկ ադրբեջանական զինված ուժերը գնդակոծել են սահմանամերձ Չինարի գյուղը: Վնասվել են մի քանի տների եւ մանկապարտեզների պատերը, տանիքները, ջրատար խողովակները եւ բաքերը:
Սա վերջին օրերին Հայաստանի սահմանամերձ գյուղերի եւ ճանապարհների գնդակոծման առաջին դեպքը չէ: Ավելի վաղ ռմբակոծվել էին Բաղանիս եւ Կոթի գյուղերը:
Հայաստանում կենսաթոշակառուների համար նոր հնարավորություններ են բացվում
Շիրակցի դպրոցականները մեկնել են ամառային հանգստի՝ դեպի «Արագած» ճամբար
Իսպանիայի ընտրանու հարձակվողը վնասվածք ունի
Երևանում մի քանի փողոցներում կփոխվի երթևեկության կազմակերպումը
Անտարկտիդայում հայտնաբերված առաջին դինոզավրի ոսկորը գտել են դարակում
Մեծացել է ռուբլու առքի և վաճառքի տարբերությունը․ ի՞նչ վտանգներ կան բանկային համակարգի համար
Ոստիկանության գվարդիայի ծառայողներն ու համայնքային ոստիկանները թմրամիջոց պահելու դեպքեր են բացահայտե...
Արարատի մարզ Քաղցրաշեն գյուղում կաթնամթերքի արտադրամասի գործունեություն է կասեցվել
Գալուզինը կասկածի տակ է դնում եվրոպական շուկաների՝ Հայաստանի համար այլընտրանք լինելը
ՀՀ ԱԺ արտահերթ նստաշրջան - 02.07.2026