Ղրիմում ոստիկանությունը որպես անօրինական հավաք ցրել է մանկական ֆուտբոլային խաղը
Թեոդոսիայի ոստիկանները ցրել են մանկական ֆուտբոլային խաղը՝ հայտարարելով այն «չարտոնված ահաբեկչական հավաք»։
«Այսօր, Կրասնոկամենկա գյուղում, երկու բակային թիմերի միջեւ խաղ տեղի ունեցավ, որն ընդհատեցին դպրոցի տնօրենը եւ թաղայինը, բացատրելով, որ մենք չարտոնված ահաբեկչական հավաք ենք անցկացնում, որը չենք համաձայնեցրել Թեոդոսիայի վարչակազմի հետ, եւ արգելեցին շարունակել խաղը»,– հաղորդել են երիտասարդ մարզիկները «ВКонтакте» սոցցանցում։ «Առաջ երբեք մարզադաշտի տարածքում գտնվելու՝ ֆուտբոլ կամ այլ խաղեր խաղալու արգելք չի եղել։ Այն բանից հետո, երբ մենք շարունակեցինք խաղը, դպրոցի տնօրենը հրամայեց հավաքել ֆուտբոլի դարպասները»,– ասվում է հաղորդագրության մեջ։
Ըստ ԶԼՄ–ների հաղորդագրության, Թեոդոսիայի վարչակազմի ղեկավարի հետ հանդիպման ժամանակ տեղական կրթության բաժնի ղեկավար Նադեժդա Ալեքսեենկոն հայտարարել է, որ արգելքը արվել է «անվտանգության նկատառումներով»։ Նա նշել է, որ այն բանից հետո, երբ «երեխաների մեծ խմբի, առանց նախազգուշացման, հավաքել են մարչադաշտում», տնօրենը «խնդրել է ցույց տալ, թե ուր են բուժքույրն ու ոստիկանության ներկայացուցիչը»։ Թե ինչու է ոստիկանության ժամանումից հետո խաղը հայտարարվել հավաք, Ալեքսեենկոն չի բացատրել։
Թեոդոսիայի վարչակազմի ղեկավար Ստանիսլավ Կրիսինը հրահանգել է հետաքննել միջադեպը՝ բնութագրելով տնօրենի գործողությունները որպես «անթույլատրելի»։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
Հայաստանից Ռուսաստան ներմուծվող արտադրանքի նկատմամբ վերահսկողությունը խստացվել է
Դեպի Երևան տանող ճանապարհը և ենթակառուցվածքները բերել պատշաճ վիճակի և տեսքի
ԿԳՄՍՆ-ն զգուշացնում է ուսուցիչներին
ԱՄՆ ցամաքային զորքերի շտաբի պետը հրաժարական է տվել
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
Մեծ Պահք․ Ավագ Ուրբաթ
«Ես ձեզ նման չեմ, բայց ես ձեզանից մեկն եմ»․ Աուտիզմի իրազեկման միջազգային օր