Գերմանիայի քաղաքական գործիչներն արձագանքել են Էրդողանի` նացիզմի մասին հայտարարությանը
Գերմանիայի քաղաքական գործիչներն արձագանքել են Թուրքիայի նախագահ Ռեջեփ Թայիփ Էրդողանի հայտարարությանը, որը Բեռլինի ներկայիս քաղաքականությունը համեմատել էր «անցյալում նացիստների գործողությունների» հետ, հայտնում է ARD հեռուստաընկերությունը:
Բունդեսթագում իշխող Քրիստոնեա-դեմոկրատական և Քրիստոնեա-սոցիալական միությունների դաշինքի խմբակցության ղեկավար Ֆոլկեր Կաուդերը հայտարարել է, որ ամենայն վճռականությամբ մերժում է այդ մեղադրանքները։ Նա Էրդողանի խոսքերն անվանել է անհավանական ու անընդունելի, մանավանդ այն դեպքում, երբ դրանք հնչում են «ՆԱՏՕ-ի անդամ երկրի նախագահից՝ ՆԱՏՕ-ի անդամ մեկ այլ երկրի հասցեին»:
Գերմանացի պաշտոնյան նաև շեշտել է, որ Թուրքիայում լուրջ խնդիրներ կան օրենքի գերակայության հետ կապված:
Քրիստոնեա-դեմոկրատական միության փոխնախագահ Յուլյա Քլոքներն, իր հերթին, Էրդողանի խոսքերը որակել է վրդովվեցնող և «պատմությունը մերժող»:
Իսկ ահա Գերմանիայի Քրիստոնեա-սոցիալական միության գլխավոր քարտուղար Անդրեաս Շոյերը Passauer Neuen Presse-ին տված հարցազրույցում Էրդողանի ելույթն անվանել է «Հրեշային քայլ Բոսֆորի բռնապետի կողմից»:
Հիշեցնենք, որ էրդողանը քննադատել էր Գերմանիայում Թուրքիայի արդարադատության նախարար Բեքիր Բոզդաղի և էկոնոմիկայի նախարար Նիհաթ Զեյբեկչիի մասնակցությամբ ելույթների չեղարկումը տեղի իշխանությունների կողմից և հայտարարել, որ նրանց գործողությունները հակասում են ժողովրդավարական նորմերին:
«Ես կարծում էի, թե նացիզմն ավարտվել է Գերմանիայում, պարզվում է` այն շարունակվում է: Հիմա նմանատիպ մի որոշում էլ Նիդեռլանդներից եկավ: Ախ, խեղճեր, ախ: Սրանք իրենց իսկ կամքով չեն կատարում բոլոր այս գործողությունները», - ասել էր Էրդողանը:
Հիշեցնենք, որ Նիդեռլանդների Ռոտերդամ քաղաքում էլ տեղի իշխանությունների կողմից չէր թույլատրվել Թուրքիայի արտգործնախարար Մևլութ Չավուշօղլուի՝ տեղի թուրքական համայնքի հետ սպասվելիք հանդիպում-հանրահավաքը:
«Այստեղից ցանկանում եմ դիմել Գերմանիայի իշխանություններին և ժողովրդավարության արժեքներին հավատացողներին. եթե դուք հավատում եք խոսքի ազատությանն ու եթե մենք ազատության պայքար ենք մղում` ոչ ոք չի կարող կտրել մեր ճանապարհը», -ասել էր Էրդողանը:
Ինչպես ավելի վաղ հայտնել է tert.am-ը` Բեռլինի և Անկարայի միջև հարաբերությունները կրկին սրվել են նախորդ երկուշաբթի Ստամբուլում գերմանական պարբերականի թուրք լրագրող Դենիզ Յուջելի ձերբակալությունից ու կալանավորումից հետո: Նա թուրքական իշխանությունների կողմից կասկածվում է «ահաբեկչական կազմակերպությանը հարելու, տվյալների անօրինական օգտագործման, ահաբեկչության քարոզչության համար»: Գերմանիայի կանցլեր Անգելա Մերկելը պահանջել է Անկարայից ազատ արձակել Յուջելին։
Հայաստանում ԱՄՆ դեսպանատունը զգուշացնում է
Երիտասարդը իրավապահներից փախչելիս ընկել է Հրազդանի կիրճի ջրատարը
Ագնեսա Խամոյանն ու Արծվիկ Մինասյանը պարտվեցին Գերասին ու Քրիստինե Վարդանյանին
ԿԳՄՍՆ-ն զգուշացնում է ուսուցիչներին
Չարենցավանում ճակատ-ճակատի բախվել են «Mercedes»-ները․ կա 1 զոհ, 3 վիրավոր
Հօգուտ Դիլիջան համայնքի կբռնագանձվի 2 միլիոն 970 հազար դրամ
ՀԾԿՀ-ում քննարկվել է էլեկտրաէներգիայի բաշխման ցանցին միացման վճարների նվազեցման հնարավորությունը
Դադարեցվել են ՀՀ ԱԺ պատգամավոր Թադեւոս Ավետիսյանի լիազորությունները
Անդրանիկ Քոչարյանը ներողություն է խնդրել երեկ հնչեցրած իր արտահայտության համար
Տարեց բնակիչների մոտ պնդում կա, որ հունիսի 7-ից հետո էս ամեն ինչը դադարելու ա