Երեւանում ընտրությունները կկայանան սեպտեմբերի 16-26-ն ընկած ժամկետում

Կառավարության այսօրվա նիստում գործադիր մարմինը որոշեց կրճատել Երևանի ավագանու լիազորությունների ժամկետը և Կենտրոնական ընտրական հանձնաժողովի կողմից հրապարակած օրը Երևան համայնքում նշանակել և անցկացնել Երևանի ավագանու արտահերթ ընտրություններ:

Ընտրությունների օրը հայտարարելու է Կենտրոնական ընտրական հանձնաժողովը: «ԿԸՀ-ը նիստ կանի եւ 30-40 օրում կորոշի ընտրության օրը»,- կառավարության նիստում ասաց տարածքային կառավարման և զարգացման նախարար Սուրեն Պապիկյանը:

Վարչապետի հարցրեց. «Իսկ բարոյահոգեբանական առումով ԿԸՀ-ն պատրա՞ստ է ընտրություններին»։

«Կարծում եմ՝ այո, պատրաստ է»,- ասաց նախարարը:

Վարչապետ Նիկոլ Փաշինյանն ասաց, որ այս ընտրություններում ընտրակաշառքի փորձ արած քաղաքացին չպետք է մնա անպատասխան, ՀՀ քաղաքացու վրա ապօրինի ազդեցությունը պետք է բացառվի, որին էլ միտված պետք է լինի Կառավարության գործունեությունը։

Այս թեմայով Ավագանու անդամներին մանդատից զրկելու ապօրինի գործողությունը կվիճարկվի դատարանում Երևանի ավագանու նիստը կքննարկի Հայկ Մարությանի և ավագանու այլ անդամների լիազորությունները վաղաժամ դադարեցնելու որոշումը Տարին սկսում ենք Նուբարաշենի աղբավայրի եւ երեւանյան տրոլեյբուսի հրդեհով 13-րդ մայրաքաղաքի քաղաքապետի պաշտոնին հավակնում են 13 քաղաքական ուժեր ՀՀԿ-ն Երևանի քաղաքապետի թեկնածու չի առաջադրի